तस्करीको लेनदेन र दररेट नमिल्दा सीमा नाकामा गोली हानाहान
नेपालबहस संवाददाता
मंसिर १६, २०७७ बुधबार ०:१३:२०
१६ मंसिर, काठमाडौ । कोरोना कहरका कारण सरकारले नेपाल भारत सीमा सिल गरेको धेरै भइसकेको छ । एकअर्का देशका जनता सीमाबाट खुलमखुला आवतजावत गर्न पाइदैन् । तर सीमावर्ती क्षेत्रमा भने न त आवतजावत रोकिएको छ न त तस्करी धन्दा नै । हुण्डीको अवैध कारोवार खुलेयाम भैरहेको छ भन्ने कुरा बेलाबखत सेटिङ नमिलेर रकम बरामद भएका घटनाले पुष्टि गरेको छ भने भारतीय सीमा क्षेत्रमा तस्करी धन्दा खुलेयाम भैरहेको छ।
बिशेष गरेर भारतीय सीमा जोडिएका जिल्लाका प्रहरी प्रमुखहरूले रकम उठाउन राख्ने गरेका घुमुवाहरूले सेटिङ मिलाउने र तस्करी गराउने गर्दछन् । पछिल्लो समय बीरगंज र मोरङमा प्रहरी र तस्कर बीच भएको झडप र गोली हानाहान पनि लेनदेनको कारोवार नमिलेपछि नै भएको हो । राम्रो र अतिरिक्त आम्दानी हुने थाना चौकीहरूमा अग्रिम रकम दिएर मात्रै होइन, महिनावारी कति दिने कबो गरि टेण्डर हालेर जाने प्रचलन तराईका जिल्लामा खुलेयाम छ ।
त्यसैले पनि जानेले आफ्नो अवधिमा जतिसक्दो तस्करी गराई धेरै रकम असुल्ने अभियानमा लागेपछि यस्ता झडप र गोली हानाहान भै रहन्छन् । आखिर किन सबैलाई पर्सा , बारा, रौटहट भैरहवा, सर्लाही , झापा , धनुषा ,बाँके , सिराहा, कपिलवस्तु जस्ता जिल्ला नै चाहिन्छ । प्रष्ट छ माल खान , उठाउन र रातारात करोडौं कमाउन । तर तस्करीको कारण प्रहरीसँग झडप हुनु भनेको लेनदेन र आर्थिक कारोवार नमिलेपछि नै हो भन्ने कुरामा बिवाद छैन ।
सीमामा तस्कर र प्रहरीबीच झडप
भारतको रक्सौलबाट भन्सार छलेर अवैध रुपमा कपडा भित्र्याउने समूह र प्रहरीबीच बीरगञ्जको सीमा क्षेत्रमा अघिल्लो आइतबार झडप भएको छ । झडपमा अस्थायी प्रहरी चौकी इनर्वाका प्रहरी सहायक निरीक्षक (असई) जयप्रकाश पाण्डे सामान्य घाइते भएका छन् । असई पाण्डेको नाकमा चोट लागेको प्रहरीले जनाएको छ । नारायणी अस्पतालमा उनको उपचार गरिएको छ ।
झडपमा संलग्न रहेको आरोपमा प्रहरीले २२ वर्षीय मुन्ना भनिने एक युवक र ४० वर्षीया आइसा खातुनलाई पक्राउ गरेको छ । प्रत्यक्षदर्शीका अनुसार कपडा बोकेर आउने महिला समूहलाई नियन्त्रणमा लिन असई पाण्डे दुईजना प्रहरीसहित खेतमा लुकेर बसेका थिए ।
करिब साढे दुई बजेको समयमा भारततर्फबाट कपडा बोकेर आएका दुईजना महिलालाई नियन्त्रणमा लिन खोज्दा उनीहरुबीच तानातान भएको थियो । तस्करलाई रोक्न खोज्दा सीमा नजिकैको उखु बारीबाट एक राउण्ड गोली फायर भएको र आफूलाई त्यसको छर्रा लागेको असई पाण्डेको दाबी छ । बन्दुक भने तस्करले सीमापारी नै फालेको उनको भनाई छ ।
गोली नै चलेको भन्ने खबर आएपछि जिल्ला प्रहरी कार्यालय पर्साबाट प्रहरी प्रमुख प्रहरी उपरीक्षक एसपी गंगा पन्त, प्रहरी नायब निरीक्षक मनोजित कुँवरसहितको टोली थप प्रहरी लिएर इनर्वा प्रहरी चौकी पुगेका थिए । प्रहरी नायब उपरीक्षक कुँवरले गोली प्रहार नभएको बताएका छन् ।
कपडाको पोका खोस्ने क्रममा असइको नाकमा सानो चोट लागेको छ,’ उनले बताए र घटनास्थल क्षेत्रकाका बासिन्दाले भने दुई पक्षबीच ‘आर्थिक लेनदेन’मा कुरा नमिल्दा झडप भएको बताएका छन् । सादा पोसाकमा रहेका असई पाण्डेले कपडा छोड्नका लागि प्रत्येक महिलासँग ५ सय रुपैयाँ मागेका थिए । उनीहरुले सय रुपैयाँभन्दा बढी दिन नमानेपछि प्रहरीले कपडा खोसेको थियो ।
विराटनगरमा हवाई फायर
भारतको जोगवनीबाट अबैधरुपमा तस्करी गरेर ल्याइएको सामान नियन्त्रणमा लिन प्रहरीले विराटनगर– १७ मटेरुवामा अघिल्लो आइतबार बिहान हवाई फायर गरेको छ भने एकजनालाई नियन्त्रणमा लिएको छ । हवाई फायर गरेर भारतदेखि तस्करी गरि ल्याएको एक बोरा बेल्ट (पेटी) र तस्करीमा संलग्न विराटनगरकी ३३ वर्षीय रविना खातुनलाई प्रहरीले नियन्त्रणमा लिएको छ ।
भन्सार छली गरेर भारतबाट अवैध रुपमा तस्करीका सामान लिएर आउँदै गरेको तस्कर समूहलाई सादा पोसाकमा खटिएको प्रहरी टोलीले रोक्न खोज्दा अवस्था तनावपूर्ण भएपछि हवाई फायर गरेको हो।
दुईजना सादा पोशाकमा रहेको टोलीले तस्करीको सामान नियन्त्रणमा लिन खोज्दा हुलहुज्जत गरेर एक दर्जन बढीको संख्यामा रहेका तस्करको समूहले अवरोध पुर्याएपछि एक राउण्ड हवाई फायर गरिएको मोरङ प्रहरी प्रमुख एसपी सन्तोष खड्काले जानकारी दिए । प्रहरी र तस्कर समूहबीच भएको दोहोरो घम्साघम्सीका क्रममा एकजना प्रहरी जवानको हातको औंलामा चोट लागेको प्रहरीले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
बैशाख ३०, २०८१ आइतबार
बाल मन्दिरपछि सीआईबीको नजरः टीकापुर, तारागाउँ र हरिसिद्धि तिर
बैशाख ३०, २०८१ आइतबार
सहकारी प्रकरण: रवि विरुद्ध के छ काग्रेससँग प्रमाण ?
बैशाख २९, २०८१ शनिबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राष्ट्रिय मुद्दामा बुझ्ने र बुझाउनेबीचको खाडल घटाउनुपर्छ : अध्यक्ष दाहाल
बैशाख ३१, २०८१ सोमबार
वीरगञ्ज महागरमा ‘कक्षा कोठामा मेयर’ शुभारम्भ
बैशाख ३१, २०८१ सोमबार
नेपाली युवकको मलेसियामा मृत्यु
बैशाख ३१, २०८१ सोमबार
महत्वाकांक्षी लक्ष्यसहित तयार भयो सोह्रौँ पञ्चवर्षीय आवधिक योजना
बैशाख ३१, २०८१ सोमबार
स्वास्थ्य तथा जनसङ्ख्या मन्त्री प्रदीप यादवले लिए शपथ
बैशाख ३१, २०८१ सोमबार
सुदूरपश्चिमका मुख्यमन्त्री सोडारीले जेठ ३ गते विश्वासको मत लिने, एमाले अझै अनिर्णित !
बैशाख ३१, २०८१ सोमबार