अवैध काठ र ट्याक्टरसहित एमाले वडाध्यक्षका भतिजा रंगेहात पक्राउ

१६ मंसिर, स्याङ्जा । जनप्रतिनिधिहरु कै संलग्नतामा स्याङ्जामा काठ तस्करी बढ्न थालेको छ । हिजो मंसिर १५ गतेृ मात्र प्रहरी चौकी पिडीखोलाबाट खटिएको प्रहरी अधिकृतसहितको टोलीले स्याङ्जा गल्याङ न.पा. ६ छबिसे स्थितमा ग.१ त. ५३४८ नं. को ट्याक्टर चेकजाँच गर्ने क्रममा अवैध काठ फेला पारी बरामद गरेको छ ।

हिजो राती १०.३० बजे उक्त ट्याक्टरसहित डा«इभर पक्राउ परेका हुन् । पीडीखोलाको डुडेमा उक्त काठ पक्राउ परेको हो । यो चिसो मौसममा रातभर प्रहरीले कुरेर बसेको थियो । तत्कालिन एमालेबाट निर्वाचित गल्याङ नगरपालिका वडा नं ६ का वडाध्यक्ष टिकाराम भुसालको काठ मिलका लागि उक्त अवैध काठ लगिएको स्थानीयले दावी गरेका छन् ।

ट्याक्टर, बरामद काठ र चालक स्याङ्जा गल्याङ न.पा. ५ बस्ने बर्ष २० को मनिष क्षेत्रीलाई आवश्यक कारवाहीको लागि सव डिभिजन बन कार्यालय गल्याङमार्फत जिल्ला वन कार्यालय स्याङ्जामा बुझाईएको प्रहरीले जनाएको छ । बरामद भएकोमा सालको काठ चिरेको पुरानो १४ थान, सालको गोलिया ७ थान, चिलाउनेको काठ १२ थान, मौवाको काठ ४ थान गरि जम्मा ३७ थान रहेको प्रहरीले जनाएको छ ।

वडाध्यक्ष भुसालले आफ्नो समिलका लागि उक्त अवैध काठ बरामद काठ, डा«इभर र वडाध्यक्षलाई केही समय प्रहरी चौकीमा राखिएपनि शक्तिकेन्द्रको आडमा चलखेल गरि वडाध्यक्षलाई निगरानीमा मात्र राखिएको स्थानीयबासिन्दाले आरोप लगाएका छन् । डा«इभर मनिष क्षेत्री वडाध्यक्ष ५ नं. वडाध्यक्षका भतिजो रहेको बताइन्छ ।

बरामद काठलाई बेवारिसे बनाउने प्रयत्न गरिएपनि स्थानीयबासीको सावधानीले सम्भव नभएको बताइएको छ । स्थानीयका अनुसार उक्त काठ बोक्ने ट्याक्टर ५ नं. का वडाध्यक्ष बिष्णुबहादुर क्षेत्रीको रहेको तथा ६ नं.का वडाध्यक्षको काठ रहेको प्रहरीले अनुमान गरेको छ ।

विस्तृत विवरण भने जिल्ला वन कार्यालयको अनुसन्धानपछि मात्र खुल्ने जनाइएको छ । वन कार्यालयका अधिकारी भने यस बारे बोल्नै चाहादैनन् ।

सत्ता र शक्तिको आडमा जनप्रतिनिधि नै तस्करीमा लागेपछि आम जनताले कसरी बुझ्ने भन्ने प्रश्न खडा भएको छ ।