प्रहरी संगठनमा पावरको प्रभाव:- काबिल अफिसरमा छायो निराशा
नेपालबहस संवाददाता
मंसिर १७, २०७७ बुधबार १९:३८:५९
१७ मंसिर, काठमाडौं । कुनैपनि संगठनमा काम गर्दा सबैले चाहने हो– संगठनको नेतृत्व गर्न पाउँ । अझ प्रहरी जस्तो जनसरोकार र जनसम्पर्क हुने ठाउँमा काम गर्ने हरेकको चाहना त्यस्तो हुुनु स्वभाविक हो । संगठनको सर्वोच्च पद प्रहरी महानिरीक्षक त्यसैपनि आकर्षक पद हो । त्यसका लागि आकांक्षी धेरै हुन सक्छन् । प्रतिस्पर्धामा अब्बल ठहरिने व्यक्तिले त्यो तिलश्मी पद पाउने हो ।
नेपाल प्रहरी मात्र होइन, हरेक संगठनमा काम गर्नेले यस्तै आकांक्षा र अपेक्षा राखेको हुुन्छ । एउटै व्याचमा धेरै प्रवेश गर्छन्, तर ती मध्ये उत्कृष्ठ ठहरिएका एकजनाले संगठनको नेतृत्व गर्न पाउने हो । उक्त पद प्राप्तिका लागि आकांक्षीहरुले अन्तिम समयसम्म मेहनत र प्रतिस्पर्धा गर्छन् । जसका बलमा संगठन मजबूत हुने गर्छ । तर नेपाल प्रहरीको इतिहासमा पहिलोपटक पुरानो परम्परालाई तिलाञ्जली दिइएको छ ।
अबको डेढ वर्षपछि को संगठनको नेतृत्वमा पुग्दैछ भनेर वर्तमान सरकारले मान्छे तयार गरिदिएको छ । वर्तमान प्रहरी महानिरीक्षक शैलेश थापा क्षेत्री आगामी २०७९ वैशाख १९ मा सेवा निवृत्त हुँदैछन् । उनको ठाउँमा अहिल्यै उम्मेदवार तयार पारिएको छ । ती पात्र हुन्– विश्वराज पोखरेल ।
नातामा उपप्रधानमन्त्री ईश्वर पोखरेलका भतिजा विश्वराज कार्यक्षमतामा अब्बल होइनन् । उनले अहिलेसम्म कुनै उत्कृष्ट काम गरेको नेपाल प्रहरीले रेकर्ड दिन सक्दैन । महानिरीक्षक क्षेत्रीसँगै प्रतिस्पर्धा गरेपनि उनी पहिलो लटमा परेनन् । वैकल्पिक उम्मेदवारका रुपमा उनले २०४९ चैतमा प्रहरी सेवामा प्रवेश पाए ।
एसपीसम्म उनी पुछारमै थिए । किनभने उनको कार्यक्षमता औसत मात्रै थियो । तर एसपीबाट एसएसपीमा बढुवा हुँदा १६ औं नम्बरबाट अप्रत्यासित रुपमा एक नम्बरमा परे । त्यतिबेला पनि उनले काका ईश्वरकै पावर लगाएका थिए । अहिलेपनि उनी एक मात्र उम्मेदवारका रुपमा एआईजीको बढुवाको सिफारिशमा परेका छन् । गृहमन्त्री रामबहादुुर थापा र महानिरीक्षक क्षेत्रीलाई थाहै नदिई ईश्वर पोखरेलले एउटा एआईजी पद सिर्जना गरे । लगत्तै उनलाई सिफारिश गरिएको छ ।
अब क्षेत्रीपछिको महानिरीक्षक पोखरेल नै हुने वातावरण तयार भएको छ । जसले गर्दा प्रहरी संगठनमा उनी अहिलेबाटै सर्वेसर्वा भएका छन् । जबकी पोखरेल भन्दा सिनियरहरु अहिलेपनि एसएसपीमै अल्झिएका छन् । सरकारले यस्तो निर्णय गरेपछि धेरै सिनियर अफिसरको मनोबल खस्किएको छ । क्षेत्रीकै व्याचीहरु अहिलेपनि डीआईजीमा पुुग्न सकिरहेका छैनन् ।
नेपाल प्रहरीको इतिहासमै यस्तो गाईजात्रा कहिल्यै भएको थिएन भन्दै एक प्रहरी अधिकृतले भने–आफूभन्दा जुनियर अहिलेबाटै आईजीपीको लागि पक्का भएको छ । कुन उत्साहले काम गर्ने ? हामीले पनि उक्त पदको आकांक्षा राखेका थियौं, अब केका लागि मेहनत गर्ने ? उनको प्रश्न छ ।
पोखरेलको सिफारिशपछि नेपाल प्रहरीमा अब चारजना एआईजी हुनेछन् । यसअघि नै क्षेत्रीकै व्याचीहरु हरिबहादुर पाल, निरजबहादुर शाही र प्रद्युम्नकुमार कार्की एआईजी रहेका छन् । तीनै जना एआईजी महानिरीक्षक क्षेत्रीसँगै ०७९ वैशाख १९ मा अनिवार्य अवकाश भएपछि पोखरेल एक्ला प्रतिस्पर्धी हुनेछन् । चेन अफ कमाण्डमा चल्ने प्रहरी संगठनमा अब भाँडभैलो हुुनसक्छ भन्दै विज्ञहरुले पोखरेललाई महानिरीक्षक बनाउन यो हदसम्मको निर्लज्ज काम गरिएकाले अरु अफिसरको कार्यसम्पादनमा नकारात्मक असर पर्ने बताउँछन् ।
प्रहरी संगठनलाई राजनीतिको छायाँमा पार्न थालिएपछि जनआस्था र विश्वासमा कमी आएको छ । उपप्रधानमन्त्री पोखरेलले राजनीतिक आडमा सक्षम र काबिल अफिसरको मनोबल गिराउने काम गरेकाले त्यसको प्रभाव दीर्घकालसम्म पर्ने विज्ञहरुको भनाई छ ।
पोखरेलसँगै प्रहरी निरिक्षक पदमा प्रवेश गरेका धेरै काबिल अफिसरलाई प्रतिस्पर्धा गर्नबाटै बञ्चित गरिएको छ ।
उनीसँगै प्रहरी सेवामा प्रवेश गरेका सहकुलबहादुर थापा, धीरजप्रताप सिंह, वसन्त लामा, रबीन्द्र धानुक र उत्तमराज सुवेदी काबिल अफिसर मानिन्छन् । तर उनीहरु महानिरीक्षक पदका लागि प्रतिस्पर्धा नै गर्नबाट वञ्चित गरिएका छन् । त्यसको प्रत्यक्ष प्रभाव संगठनमा पर्ने विज्ञहरुको बुुझाईछ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपसत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
बैशाख १३, २०८१ बिहिबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
पूर्वमन्त्री अफताव आलमलाई जन्मकैदको सजाय
बैशाख १३, २०८१ बिहिबार
अढाई वर्षकी बालिकालाई बेचेको आरोपमा महिला पक्राउ
बैशाख १४, २०८१ शुक्रबार
अफगानिस्तानमा उच्च वर्षापछिको बाढीले ७० विद्यालय तथा मदरसा क्षतिग्रस्त
बैशाख १४, २०८१ शुक्रबार
विकराल बन्दै डढेलो
बैशाख १४, २०८१ शुक्रबार
सल्यानटारका विद्यार्थीले बनाए चार पाङ्ग्रे विद्युत्तीय कार
बैशाख १४, २०८१ शुक्रबार
भोलि मतदान हुने इलाम र बझाङमा सबै सवारीसाधन निर्वाध चल्न दिने आयोगको निर्णय
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज ए टिम
बैशाख १४, २०८१ शुक्रबार