सरकारले नागरिकको स्वतन्त्रताको हक खोस्न पाउँदैन : नेता गुरुङ

२७ मंसिर, काठमाडौं । नेपाली कांग्रेसका नेता धनराज गुरुङले देश चलाउने नेताहरुलाई शैक्षिक योग्यता नचाहिने तर भ्रमण जाने नागरिकलाई चाहिने भन्दै प्रश्न गरेका छन् ।

गृह मन्त्रालयले अध्यागमन कार्यविधि २०६५ संशोधनको तयारी गरेसँगै उनले समाजिक सञ्जाल माफर्त भिजिट भिसाको नाममा अवाञ्छित कार्य गर्नेलाई दण्डित नगर्ने तर बिदेश भ्रमणमा जानेलाई शैक्षिक प्रमाणपत्र र अंग्रेजी भाषा जान्नु पर्ने बनाएर नागरिकको स्वतन्त्रताको हक खोस्न नपाईने बताएका छन् ।

भिजिट भिसाको नाममा अवाञ्छित कार्य गर्नेलाई दण्डित नगर्ने तर बिदेश भ्रमणमा जानेलाई शैक्षिक प्रमाणपत्र र अंग्रेजी भाषा जान्नु पर्ने बनाएर नागरिकको स्वतन्त्रताको हक खोस्न पाईदैन। देश चलाउने नेतालाई शैक्षिक योग्यता नचाहिने तर भ्रमणमा जाने नागरिकलाई चाहिने?सरकारको हदैसम्मको नालायकीपन।

— Dhan Raj Gurung (@dhanrgrg) December 11, 2020

देश चलाउने नेतालाई शैक्षिक योग्यता नचाहिने तर भ्रमणमा जाने नागरिकलाई चाहिने भन्दै सरकारको हदैसम्मको नालायकीपन भएको बताएका छन् । अध्यागमन विभागले भिजिट भिसा लिन चाहने व्यक्तिले कम्तीमा साधारण अंग्रेजी बोल्न जान्नुपर्ने बुँदा थप गर्न प्रस्ताव गरेको छ।

यसैगरी परिवारका सदस्य वा स्थानीय निकायको सिफारिस र भिजिट भिसा बिमालाई पनि अनिवार्य गर्न प्रस्ताव गरेको छ। त्यस्तै भिजिट भिसामा जान एलएलसी पास हुनैपर्ने नियम पनि संशोधन गर्न लागिएको छ।