हात्तीपीडित तीन दर्जन दलित परिवारले पाए राहत

धीरुभाइ

२९ मंसिर सप्तरी । हात्तीपीडित तीन दर्जन दलित परिवारलाई सोमबार राहत वितरण गरेको छ ।  सप्तरीको सुरुङ्गा नगरपालिका वार्ड नम्बर १ चहका टोलका हात्तीपीडित ३६ परिवारलाई नगर प्रमुख मुक्तिनाथ चौधरीले राहत वितरण गरे ।

प्रति परिवार २५ किलो चामल, भुजा(मुरही) पाँच किलो, खानेतेल एक लिटर, नून एक किलो, दाल दुई किलो, कम्बल एक थान वितरण गरिएको प्रमुख प्रशासकीय अधिकृत सुरेश दाहालले जानकारी दिए ।

अघिल्लो रात पाँच वटा समूहमा आएका जङ्गली हात्तीले स्थानीय करिया सदा, जतरु सदा, रामलोचन सदा, टुरा सदा, बौका सदा, मन्जय सदा, रामदेव सदा, लक्ष्मण मण्डल, श्यामसुन्दर सदा, हरिहर सदा, खुशीलाल सदा, मनभरन सदा, ललित सदा, पिगुली सदा, असीलाल सदा, कैला सदा, बिनोद सदा, अनिता सदा, दुखिया सदा, जनका सदा, बनहु सदा, बुदुर सदा, उर्मिला सदा, राजकुमार सदा, रौदी सदा, पाँचु सदा, जीरु सदा, सुन्दर सदा, बिल्टु सदा, छबिल सदा, बिनोद दास, रामबालक दास, बलकरै रैका मगर, राजन भुजेल लगायतको घर तोडफोड गरेको नगरपालिकाका सामाजिक शाखाका प्रमुख टेकबहादुर खडकाले जानकारी दिए ।

हात्तीले उनीहरु सबै जनाको घर तोडफोड गर्नुको साथै घरमा रहेको अन्नपात खाएका छन भने बारीमा लगाएको तरकारी, केरा एवं अन्नबालीमा क्षति पु¥याएको उनले बताए ।