सिनर्जी पावरले बोलायो तीन आर्थिक वर्षको साधारण सभा, ३ करोड ५० लाख लाभांश प्रस्ताव

१ पुष, काठमाडौं । सिनर्जी पावर डेभलपमेन्ट लिमिटेडको ९४ औं बैठकले लाभांंश घोषणासंगै साधारण सभा बोलाएको छ । लिमिटेडले तीन आर्थिक वर्षको साधारण सभा, लाभांश वितरण र बुक क्लोजको मिति तोकेको छ ।

कम्पनी सञ्चालक समितिको मंसिर ३० गते सम्पन्न बैठकले शेरधनीलाई ४.७५ प्रतिशत बोनस र कर प्रयोजनका लागि ०.२५ प्रतिशत नगद गरी जम्मा ५ प्रतिशत लाभांश वितरण गर्ने निर्णय गरेको छ ।

साधारण सभा र लाभांश प्रयोजनका लागि पुस १२ गतेदेखि बुकक्लोज मिति तोकेको छ । यसअनुसार पुस ९ गते बिहीबारसम्म नेप्सेमा कारोबार भई कायम रहने लगानीकर्ताले मात्र लाभांश पाउन र साधारण सभामा प्रतिनिधित्व जनाउन सक्नेछन् । बैठकले पुस २२ गते बिहान ११ बजे भर्चुअल माध्यामबाट साधारण सभा गर्ने निर्णयसमेत गरेको छ ।