ओली-प्रचण्डबीच भनाभन, हस्ताक्षर फिर्ता लिन आग्रह

१ पुष, काठमाडौं । सत्तारुढ दल ‘नेकपा’का अध्यक्ष केपी ओली र अर्का अध्यक्ष पुष्पकमल दाहाल ‘प्रचण्ड’बीच फेरि भेटवार्ता सुरु भएको छ । नेकपाका सांसदद्वय भीम रावल र पम्फा भुसाल संघीय संसदको विशेष अधिवेशन माग गर्दै राष्ट्रपति कार्यालय शीतल निवास पुगेपछि दुवै अध्यक्षबीच फेरि भेटवार्ता भएकाे हाे ।

यो सूचना पाएलगत्तै प्रधानमन्त्री ओलीले प्रचण्डलाई फोन गरेर बाेलाएका हुन् । स्रोतका अनुसार फोनमै दुई नेताबीच केहीबेर भनाभन पनि भएको थियो । फाेनमै  ओलीले संसदको विशेष अधिवेशन माग गर्दै शीतल निवास पुर्‍याइएको हस्ताक्षर तत्काल फिर्ता लिन आग्रह गरेका छन् ।

जवाफमा प्रचण्डले पहिले संवैधानिक परिषदसम्बन्धी अध्यादेश फिर्ता लिनुस् भनेका छन् । अहिले दुई नेता छलफलमा जुटेका छन् ।