ओलीलाई अनुशासनको कारबाही गरिने

५ पुष, काठमाडौं । प्रधानमन्त्री केपी ओलीलाई अनुशासनको कारबाही गर्न सिफारिस गरिएको छ । प्रधानमन्त्री निवास बालुवाटारमा केहीबेरअघि सम्पन्न स्थायी समिति बैठकले प्रधानमन्त्री ओलीमाथि अनुशासनको कारबाही गर्न केन्द्रीय समितिमा सिफारिस गर्ने निर्णय गरेको हो ।

प्रधानमन्त्री ओलीको सिफारिसमा संसद विघटन जस्तो गम्भिर कदम उठाएको भन्दै उनीमाथि कारबाही सिफारिस गरेको छ । बैठकले संसद विघटन गर्ने प्रधानमन्त्री ओलीको कदम असंवैधानिक, अलोकतान्त्रिक, निरंकुश र जनादेशविरुद्ध भएको ठहर गर्दै खेद व्यक्त गरेको छ ।

यसका लागि पुस ७ गते केन्द्रीय कमिटीको आकस्मिक बैठक बोलाइएको छ । त्यसैगरी भोलि सोमबार दिउँसो १ बजे नयाँ बानेश्वर नेकपा संसदीय दलको बैठक बोलाउने निर्णय भएको छ । भोलि नै दिउँसो ३ बजे स्थायी कमिटीको बैठक पनि बस्नेछ ।