विभिन्न स्थानबाट १३ थान भरुवा बन्दुक बरामद

६ पुष, काठमाडौं । नेपाल प्रहरीले विभिन्न स्थानबाट १३ थान भरुवा बन्दुक बरामद गरेको छ । बाग्लुङस्थित विभिन्न स्थानबाट आइतबार दिउँसो १३ थान भरुवा बन्दुक बरामद गरेको हो।

बढिगाड गाउँपालिका-१ टुनडाँडास्थित स्यानडाँडा सामुदायिक बनको पैयुको रूखमुनी बेवारिसे रूपमा लुकाई राखेको अवस्थामा ८ थान, सोही गाउँपालिका-३ सिसाखानीस्थित लग्दी खोलाको किनारमा बेवारिसे अवस्थामा २ थान र गलकोट नगरपालिका-९ रिस्तिस्थित कार्तिकेको जंगलमा ३ थान ‘१ थान बेसाबुत समेत’ भरुवा बन्दुक फेला पारी प्रहरीले बरामद गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।