भिजिट भिसामा दुवई पठाउन मानवतस्कर सक्रिय, काठमाडौंका गेष्टहाउसमा सयौं अलपत्र
नेपालबहस संवाददाता
पुस ७, २०७७ बुधबार ०:४८:९
७ पुस, काठमाडौं । वैदेशिक रोजगार विभागमा दर्ता कायम रहेको दर्ता नं.१२५९-०७३-०७४ एस.आर.ग्रुप नेपालका सञ्चालक राधामोहन जैसवालले सोमबार अपरान्ह एन्टीक्रप्सन नेपालका संवाददातामाथि दिनदहाडै हातपात र कुटपिटको प्रयास गरेका छन् ।
यही पौष १ गतै एन्टीक्रप्सन नेपालले जैसवालको नाममा रहेको एस.आर.ग्रुप नेपालले नेपाली कामदारलाई भिजिट भिसामा यु.ए.ई.लगायत खाडी मुलुकमा कामदार पठाएको समाचार सम्प्रेषण गरेपछि उक्त म्यानपावरका सञ्चालक जैसवालले पटक पटक धम्की दिँदै आएका थिए । जैसवालले अन्तराष्ट्रिय हवाई उडान शुरु भएयता तराईका दर्जनौं युवाहरुलाई भिजिट भिसामा खाडी पठाईसकेका छन् ।
जैसवाल,उनका एजेन्टहरु भदै गिरी, चन्द्रेश्वर गिरी, गोरख पटेलले एकलाख पचास हजारमाथि रकम उठाएर नेपाली कामदार ठगिरहेको सुचना प्राप्त भएपछिएन्टीक्रप्सन नेपालले सप्रमाण समाचार सम्प्रेषण गरेकाे थियो । गत हप्ता मात्रै जैसवाल र उनको कम्पनीले करिब आधा दर्जन नेपाली कामदारलाई भिजिट भिसामा खाडी पठाईसकेका छन् । जैसवालले पठाएका र पठाउन लागेका कामदारको सप्रमाण कागजात र अडियो रेकर्ड एन्टीक्रप्सन नेपालसँग सुरक्षित रहेको दावी गरिएकाे छ ।
एन्टीक्रप्सन नेपालका अनुसार भिजिट भिसामा वैदेशिक रोजगारीमा जाने तयारीमा रहेका रामबाबु प्रसाद रौनियार लगायतले जैसवाललाई साउदीको लागि एकलाख बीस हजार बुझाई सकेका थिए । त्यसै गरी भुलन मुखिया (पर्सा) र ,ब्रह्मदेव मुखियाले दाजुले विदेशमा कमाएर ल्याएको पैसाले किनेको नौ धुर जमिन साहुलाई जमानत राखेर सयकडा पाँचका दरले व्याज बुझाउने गरि उनका दाजु सिकन्दर मुखीयाले आफ्नो भाइलाई वैदेशिक रोजगारीमा पठाउन रकम जुटाएका थिए ।
सोमबार एन्टीक्रप्सन नेपालका संवाददाता म्यानपावर बजारबाट फर्कदै गर्दा म्यानपावर बजारमा रहेको शारदा मा.वि.को पूर्वपट्टीको एक खाजा घरमा उभिएका तस्कर राधामोहन जैसवाल र उनका एजेन्टले अपरान्ह सभा दुई बजेको समयमा एन्टीक्रप्सन नेपालका संवाददातालाई देख्ने वित्तिकै देब्रे पाखुरामा बलजफती समातेर खाजाघर भित्र लगि हातपात गर्न थालेपछि संवाददाता उनीहरुबाट उम्किन सफल भएको एन्टीक्रप्सन नेपालले बताएकाे छ ।
मानव तस्करद्वारा उपत्यकामा सुटर र गुण्डा परिचालन
मानव तस्करहरुले भिजिट भिसामा नेपाली कामदार वैदेशिक रोजगारमा पठाउन अबरोध गर्ने पत्रकारका विरुद्ध सुटर र गुण्डा परिचालन गरेको विशेष सुत्रले जानकारी दिएको छ । केही समय अगाडि वैदेशिक रोजगार विभागले सुर्खेत म्यानपावर सिल गर्यो, भिजिट भिसामा कामदार पठाउने मल्टिपल ट्राभल्स एण्ड टुर्समा छापा मार्यो, ईम्पावर, ब्लुस्काई, स्काई अफ द वल्र्ड डिमाण्ड नै नभई कतार पुलिसमा जागिर दिने भन्दै अन्तर्वाता लिने एस.ओ.एस म्यानपावर, डीडी, शिखर लगायत केही म्यानपावर कम्पनीमा अनुगमन र कार्वाही अगाडि बढाएपछि अत्तालिएका मानव तस्करहरुले भिजिट भिसाको समाचार सम्प्रेषण गर्ने पत्रकारहरुलाई निशाना बनाएर उपत्यकामा सुटर र गुण्डा परिचालन गरेको दावी एन्टीक्रप्सन नेपालले गरेकाे छ ।
मल्टिपल ट्राभल्सका दिनेस राई, सर्लाही ट्राभल्स र बोन म्यानपावरका सञ्चालक अजय चौधरी, सोम बि.सी, एस.आर.गु्रपका सञ्चालक राधामोहन जैसवाल लगायत मानव तस्करीमा संलग्न तस्करहरुको एक समुहले सुटर र गुण्डा परिचालन गरेको श्रोतको दाबी छ । यतिवेला होटल,लज र गेष्ट हाउसमा भिजिट भिसामा वैदेशिक रोजगारीको लागि तयार भएर बसेका नेपाली कामदार र एजेन्टको लर्को देख्न सकिन्छ । मानव तस्कर एजेन्ट र मयानपावरले कामदारलाई कैद गरेका छन् ।
कामदरले कसैले के गर्न आएको भन्यो भने खुलेर भन्न सक्तैनन् । सास्वतनगर सिनामंगंल ९ मा रहेको सुर्य गेष्टहाउसमा एन्टीक्रप्सन नेपालकाे टीम पुग्दा भिजिट भिसामा वैदेशिक रोजगारीको लागि युएई जान बसेका ५ जना तराईका नागरिकले एजेन्टले आज, भोली भन्दै तीन महिना बढी कैद बनाएर राखेको गुनासो पोखे । तर उनीहरु एजेन्टको नाम र म्यानपावर बताउन चाहेनन् ।
पासपोर्ट संकलन गर्ने अख्तियार प्राप्त नभएका अभिमुखीकरण तालिम दिने संस्थाहरु, म्यानपावर एजेन्ट लज, होटल, गेष्टहाउस, ट्राभल्समा यतिवेला पासपोर्टको चाङ लागेको छ । सरकारी अनुगमन र कडा कार्वाहीको नहुँदा वेरोजगार युवायुवतीहरु दिनानु दिन ठगिएका छन् । भिजिट भिसामा जान अध्यागमनको प्रयोग हुन्छ । अध्यागमनका कर्मचारी र मानव तस्करको मिलेमतोमा दैनिक सयौंको संख्यामा भिजिट भिसामा वैदेशिक रोजगारीमा जाने सर्वसाधारण नेपालीहरु चर्को रकम तिर्न र विदेशमा अलपत्र पर्न बाध्य भएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपउपनिर्वाचनलाई जातीय र धार्मिक दृष्टिले हेरिए सुरक्षामा चुनौती बढ्ने प्रहरीको विश्लेषण
बैशाख १३, २०८१ बिहिबार
प्रेम सम्बन्धको विवादमा झडप, ७ सेल अश्रुग्यास प्रहार
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
राज्यकोषबाट १-२ अर्ब निकालेर सहकारी पीडितलाई दिने गृहमन्त्रीको मुड !
नेपालबहस संवाददाता
बैशाख ११, २०८१ मंगलबार
धरमपानी गाउँ
बैशाख १४, २०८१ शुक्रबार
आइपिएलमा कसरी भइरहेको छ छक्का र चौकाको वर्षा ?
बैशाख १४, २०८१ शुक्रबार
आईपीएलमा हैदरावादमाथि आरसिबीको जित
बैशाख १४, २०८१ शुक्रबार
जसपा केन्द्रीय कार्यकारिणी समितिको बैठक बस्दै
बैशाख १४, २०८१ शुक्रबार
आजको मौसमः यी चार प्रदेशमा पानी पर्ने
बैशाख १४, २०८१ शुक्रबार
यस्तो छ तपाइको आजको राशिफल
बैशाख १४, २०८१ शुक्रबार