आज थप ७२२ जनामा कोरोना संक्रमणको पुष्टि

७ पुष, काठमाडौं । देशभर थप ७ सय २२ जनामा कोरोना भाइरसको संक्रमणको पुष्टि भएको छ ।  स्वास्थ्य तथा जनसंख्या मन्त्रालयका अनुसार यीसहित हालसम्म संक्रमित हुनेको कुल संख्या २ लाख ५५ हजार २ सय ३६ पुगेको हाे।

पछिल्लो २४ घण्टामा ९६६ जना निको भएर फर्किएका छन्। मन्त्रालयका  अनुसार कोरोनाबाट निको हुनेको संख्या २ लाख ४५ हजार ७ सय ९ पुगेको छ। त्यस्तै, यसको संक्रमणबाट थप ३ जनाको मृत्यु भएको मन्त्रालयले जनाएको छ।

योसँगै कोरोनाबाट मृत्यु हुनेको संख्या एक हजार ७ सय ९८ पुगेको छ। पछिल्लो २४ घण्टामा ७ हजारमा पीसीआर परीक्षण गरिएको छ।