संसद पुनस्थापना गरेर नयाँ सरकार बनाउने प्रचण्डको घोषणा

८ पुस, काठमाडौं । सत्तारुढ नेकपाका अध्यक्ष पुष्पकमल दाहाल प्रचण्डले नयाँ सरकार बनाउने बताएका छन् । संसद पुनःस्थापना गरेर नयाँ सरकार बनाउने घोषणा प्रचण्डले बताएका हुन् । बुधबार नेकपाको संसदीय दलको बैठकमा उपस्थित भएर संसदीय दलको नेता बनेपछि प्रचण्डले सो कुरा बताएका हुन् ।

प्रचण्डले ७० प्रतिशतको उपस्थितिमा केन्द्रीय समिति बैठक बसेपछि आफूहरु नै वैधानिक र ठूलो दल भएको पनि दाबी गरे । संसद विघटन असंवैधानिक र अलोकतान्त्रिक भन्दै उनले संविधानसभाबाट प्रधानमन्त्रीले संसद विघटन गर्न नसक्ने भनेर लेखेको स्मरण गरेका हुन् ।

प्रचण्ड संसदीय दलको नेता चयन भएपनि संसद विघटन भएकाले प्रधानमन्त्री केपी शर्मा ओलीविरुद्ध दर्ता भएको अविश्वास प्रस्ताव अघि बढ्न सकेको छैन् ।