सहकार्यका लागि डोटी र बैतडीका गाउँपालिकासँग नबिल बैंकको सम्झौता

८ पुष, काठमाडौं । नबिल बैंक र डोटी जिल्लाको सायल गाउँपालिका तथा बैतडी जिल्लाको पञ्चेश्वर गाउँपालिकाबीच सम्झौता भएको छ ।

बैंकले स्थानिय बासिन्दाको अर्थिक गतिविधिमा सहयोग पु¥याउने उदेश्य अनुरुप विभिन्न गाउँपालिकामा रहेका शाखा मार्फत स्थानिय निकायसँग समन्वय गरि साना तथा मद्यौला व्यवसायका साथै कृषि सम्बन्धि कार्यक्रममा सहयोग पु¥याउनको लागि स्थानिय निकायसँग सम्झौता गरेको जनाएको छ ।

यही पुष ५ गते सायल गाउँपालिकाका अध्यक्ष तेज बहादुर डुम्रेल र ६ गते बैतडीकाे पञ्चेश्वर गाउँपालिका अध्यक्ष गोरख बहादुर चन्दबीच बैंकका सुदूरपश्चिम प्रदेश प्रमुख दिगेन्द्र चन्दले सम्झौता पत्रमा हस्ताक्षर गरेका हुन् । दुवै गाउँपालिकाबीचको सम्झौता समारोहमा नबिल बैंकका सहायक महाप्रबन्धक गणेश प्रसाद अवस्थीको उपस्थिति रहेको बैकले जनाएको छ ।

सो कार्यक्रममा जनप्रतिनिधि, स्थानिय व्यबसायी, व्यापारी, महिला उद्यमी, कृषक एवम विभिन्न राजनीतिक दलहरुका प्रतिनिधि समेतका उपस्थिती थियँे । उक्त कार्यक्रम माथि प्रकाश पार्दै नबिल बैंकका सहायक महाप्रबन्धक अवस्थीले नेपाल राष्ट्र बैंकद्वारा जारी निर्देशिका अनुरुप व्यवसायिक कृषि तथा पशुपन्छी र महिला उद्यमशिलतामा आधारित सहुलियत पुर्ण कर्जाको माध्यमबाट स्थानियको आर्थिक विकासमा बैंकले के कस्तो योगदान दिन सक्छ भन्ने विषयमा स्पष्ट पारेका थिए ।

गाउँपालिकाका अध्यक्षद्वय तेज बहादुर डुम्रेल र गोरख बहादुर चन्दले, बैंक र गाउँपालिकाबीचको सम्झौता प्रशंसा योग्य रहेको धारण व्यक्त गरे । सो कार्यक्रममा उपस्थित प्रतिनिधिहरुले यो सम्झौताबाट सो क्षेत्रको कृषि तथा उद्यमशिलताको क्षेत्रमा व्यापक परिवर्तन ल्याउनका साथै गाउँको आर्थिक विकासका गतिविधिमा थप टेवा पुग्ने धारणा व्यक्त गरे ।

नबिल बैंकले ११९ वटा शाखाहरु, १८५ वटा एटिएमहरुको विशाल संरचना र १५०० भन्दा बढी नबिल रेमिट एजेन्टहरुका साथमा देशव्यापी रुपमा र विश्वभर धेरै एजेन्टहरु मार्फत सेवा प्रदान गरेर आफ्ना सबै स्टेकहोल्दरहरु संगै अघि बढ्ने विश्वास राखेको संस्थागत संचार बिभाग प्रमुख कृष्ण सुवेदीले बताए ।