चैतमा हुने एसईई अब जेठमा

१५ पुष, काठमाडौं । यसवर्षको माध्यमिक शिक्षा परीक्षा एसईई आगामी जेठमा हुने भएको छ । राष्ट्रिय परीक्षा बोर्डले जेठमा परीक्षा सञ्चालन गर्ने तयारी गरेको हो ।

बोर्डका अध्यक्ष प्रा. डा. चन्द्रमणि पौडेल २०७८ जेठमा परीक्षा सञ्चालन गरिने बताएका छन् । कोरोना भाइरसका कारण गएको वर्ष एसईई सञ्चालन हुन सकेन । त्यो अवस्था दोहोरिन नदिन बेलैमा तयारी तीव्र बनाएर जेठमा परीक्षा सञ्चालन गर्ने तयारी छ ।

एसईई २०७७ मा सहभागी हुनका लागि बोर्डले आवेदन आह्वान गरेको छ । परीक्षामा सहभागी हुन चाहने विद्यार्थीले १६ पुसदेखि २१ माघसम्ममा फाराम भर्नुपर्ने छ ।