माधव नेपाल प्रचण्डका कार्यकर्ता हुन् : ओली

१५ पुष, काठमाडौं । प्रधानमन्त्री केपी शर्मा ओलीले माधव नेपाल प्रचण्डका कार्यकर्ता भएको टिप्पणी गरेका छन् । ओली समूहले बुधबार आयोजना गरेको सुदूरपश्चिमस्तरीय भेलालाई सम्बोधन गर्दै ओलीले भने माधव नेपाल प्रचण्डको कार्यकर्ता मात्रै भएकाले धेरै टिप्पणी गर्न आवश्यक नरहेको बताएका हुन् ।

पूर्वप्रधानमन्त्री नेपाल कार्यकर्ता हुन प्रचण्डसँग गएको पनि ओलीको आरोप छ । साथै ओलीले प्रचण्डसँग सहमति मात्रै धेरै भएको पनि बताएका छन् । प्रचण्डको बानी सुधार्न नसकिएको भन्दै ओलीले धेरै पटक धुँदा धुँदा साबुन सकिएको बताएका हुन् । उनले प्रचण्डसँग ठेलीका ठेली सम्झौता भएपनि कार्यान्वयन नभएको बताएका छन् ।