धनुषामा ५ बर्षीय बालकको हत्या

१७ पुस, जनकपुर । धनुषामा दुई दिनदेखि बेपत्ता बालकको हत्या भएको छ । बिदेह नगरपालिका २ का ५ वर्षीय बालक अभिनव कुमार रायको हत्या गरेर शव गाडिएको अवस्थामा शुक्रबार बिहान फेला परेको हो ।

धनुषाका प्रहरी प्रवक्ता मकेन्द्रकुमार मिश्रका अनुसार बालक दुई दिनदेखि बेपत्ता थिए । खोजी गर्ने क्रममा बालकको शव उनकै हजुरबुवा पर्नेको गोठमा गाडिएको अवस्थामा फेला परेको मिश्रले बताए ।

बालकको शव फेला परेपछि तत्काल अनुसन्धानका लागि प्रहरीले ५ जनालाई पक्राउ गरेर अनुसन्धान शुरु गरिएको छ ।