लिभरपुललाई गम्भिर धक्का, साउथह्याम्पटनसँग स्तब्ध

२१ पुष, एजेन्सी । इंग्लिस प्रिमियर लिग फुटबलमा शीर्ष स्थानको लिभरपुललाई अर्को धक्का लागेको छ । सोमबार राति भएको खेलमा लिभरपुल साउथह्याम्पटनसँग १–० गोल अन्तरले पराजित भएको हो । साउथ ह्याम्प्टनका लागि ड्यानी इङ्सले निर्णायक गोल गरे ।

बल पोजिसनमा एकतर्फी पकड जमाएपनि लिभरपुलले गोल गर्न सकेन । यस हारसँगै लिभरपुल शीर्ष स्थानमा ३ अंकको अग्रता बनाउन असफल भएको छ । यसअघि लिभरपुल वेष्टब्रोमसँग बराबरीमा रोकिएको थियो ।

लिभरपुलले १७ खेलमा ३३ अंक जोडेको छ । दोस्रो स्थानको म्यानचेस्टर युनाईटेडसँग अंक बराबर भएपनि लिभरपुल शीर्ष स्थानमा रहेको छ ।