राष्ट्रियसभाको चालु अधिवेशन आजै अन्त गर्न मन्त्रिपरिषद बैठक

२६ पुष, काठमाडौं । प्रधानमन्त्री केपी ओलीले आज दिउँसो १ बजे राष्ट्रियसभालाई संवोधन गर्ने भएका छन् । त्यसबारे उनले संसद सचिवालयलाई जानकारी गराईसकेका छन् ।

राष्ट्रियसभामा जानुअघि ओलीले आजै बिहान साढे ११ बजे मन्त्रिपरिषदको आकस्मिक बैठक बोलाएका छन् । चालू राष्ट्रियसभा अन्त्य गर्न सिफारिश गर्न बैठक डाकिएको हो ।

स्रोतका अनुसार, यही पुुस १७ गतेदेखि राष्ट्रियसभाको बैठक चलिरहेको छ । बैठक अन्त्य गर्नुअघि प्रधानमन्त्री ओलीले संवोधन गर्ने तयारी भएको बताइएको छ ।

सामान्यतः मन्त्रिपरिषदको बैठक हप्ताको दुुई दिन सोमबार र विहीबार बस्ने चलन छ । तर आज भने एक्कासी बैठक डाकिएको छ ।  एक मन्त्रीका अनुसार, विहान १० बजे मुख्यसचिवले फोन गरेर बैठकबारे जानकारी दिएपनि अजेण्डाबारे भने केही बताइएको थिएन ।