तीन वाणिज्य बैंकसहित पाँच कम्पनीले पाए ऋणपत्र निष्कासनको अनुमति

६ माघ, काठमाडौं । नेपाल धितोपत्र बोर्डले तीन वाणिज्य बैंकसहित ५ कम्पनीलाई ऋणपत्र निष्कासन गर्न अनुमति दिएको छ । बोर्डले ३ वाणिज्य बैंक, एक विकास बैंक र फाइनान्स कम्पनीलाई ऋणपत्र निष्कासन गर्न अनमुति दिएको हो ।

मञ्जुश्री फाइनान्स कम्पनीले ऋणपत्र निष्कासन गर्नको लागि बोर्डबाट पुष २६ गते अनुमति पाएको हो । अनुमति पाएसँगै कम्पनीले ८ वर्ष सम्मका लागि वार्षिक ९ दशमलव ५ प्रतिशत ब्याजदरमा ५ लाख कित्ता ऋणपत्र निष्कासन गर्नेछ । जसमध्ये २ लाख कित्ता सर्वसाधारणको लागि र ३ लाख कित्ता ऋणपत्र व्यक्तिगत तबरबाट विक्री गर्नेछ । विक्री प्रबन्धकमा एनआइबिएल एस क्यापिटल लिमिटेड रहेको छ ।

त्यसैगरी प्राइम कमर्सियल बैंकले ८ दशमलव ७५ प्रतिशत ब्याजदरमा आगामी ८ वर्ष सम्मका ऋणपत्र निष्कासन गर्न बोर्डबाट पुस २६ गते अनुमति पाएको हो ।अनमति पाएसँगै उक्त कम्पनीले ३५ लाख कित्ता ऋणपत्र निष्कासन गर्नेछ । जसमध्ये १४ लाख कित्ता ऋणपत्र सर्वसाधारणको लागि निष्कासन गर्नेछ भने २१ लाख कित्ता ऋणपत्र व्यक्तिगत तबरबाट विक्री गरिने छ । विक्री प्रबन्धकमा आरबिबि मर्चेण्ट बैंकिङ लिमिटेड रहेको छ ।

कामना सेवा विकास बैंकले पनि १० वर्ष सम्मका लागि वार्षिक ९ प्रतिशत ब्याजदरमा १० लाख कित्ता ऋणपत्र निष्कासन गर्ने अनुमति पाएको छ । कम्पनीले बोर्डबाट ऋणपत्र निष्कासन गर्न माघ २ गते अनुमति पाएको हो ।

१० लाख कित्ता ऋणपत्रमध्ये ४ लाख कित्ता सर्वसाधारणको लागि निष्कासन गर्नेछ भने ६ लाख कित्ता ऋणपत्र व्यक्तिगत तबरबाट विक्री गर्नेछ । विक्री प्रबन्धक एनआइबिएल एस क्यापिटल लिमिटेड रहेको छ । त्यस्तै कृषि विकास बैंकले ४ प्रतिशत ब्याजदरमा ७ वर्ष सम्मका लागि ६० लाख कित्ता ऋणपत्र निष्कासन गर्ने अनुमति पाएको छ । कम्पनीले माघ ४ गते ऋणपत्र निष्कासन गर्ने अनुमति पाएको हो ।

कम्पनीले ६० लाख कित्ता ऋणपत्रमध्ये २४ लाख कित्ता ऋणपत्र सर्वसाधारणको लागि र ३६ लाख कित्ता ऋणपत्र व्यक्तिगत तबरबाट विक्री गर्नेछ । विक्री प्रबन्धकमा एनआइबिएल एस क्यापिटल लिमिटेड रहेको छ ।

त्यसैगरी एनसीसी बैंकले ९ दशमलव ५ प्रतिशत ब्याजदरमा १० वर्ष सम्मका लागि ३० लाख कित्ता ऋणपत्र निष्कासन गर्ने अनुमति पाएको छ । कम्पनीले बोर्डबाट ऋणपत्र निष्कासन गर्नका लागि माघ ५ गते अनुमति पाएको हो ।

कम्पनीले ३० लाख कित्ता ऋणपत्रमध्ये १२ लाख कित्ता सर्वसाधारणको लागि र १८ लाख कित्ता व्यक्तिगत तबरबाट विक्री गर्नेछ । विक्री प्रबन्धकमा नबिल इन्भेष्टमेण्ट बैंकिङ लिमिटेड रहेको छ ।