वाणिज्य बैंक बन्ने लक्ष्यका साथ अघि बढेको मुक्तिनाथ, दोश्रो त्रैमासमा आयो आकर्षक विवरण

८ माघ, काठमाडौं । वाणिज्य बैंक बन्ने लक्ष्यका साथ अघि बढेको मुक्तिनाथ विकास बैंक दिन प्रतिदिन सफल हुँदै गएको प्रस्ट देखिन थालेकाे छ । कोरोना कहरका बीचपनि कम्पनीले आकर्षक वित्तीय प्रतिवेदन पस्किन सफल भएको छ ।

देस्राे त्रैमासकाे पुष मसान्तसम्म कम्पनीको खुद मुनाफा ३० प्रतिशतले वृद्धि हुन सफल भएको छ । चुक्ता पुँजी ११ प्रतिशतले वृद्धि हुँदा खुद मुनाफा त्यो भन्दा धेरैले वृद्धि भएकोले प्रतिशेयर आम्दानी वृद्धि गर्न पनि बैंक सफल भएको छ । निक्षेप र कर्जामा पनि बैंक आक्रामक रुपमा प्रस्तुत भएको देखिन्छ । त्यस्तै वितरण योग्य मुनाफामा पनि ५३ प्रतिशतले वृद्धि गर्न सफल भएको छ ।

वि.सं २०६३ साल पुषमा स्याङ्जा जिल्लाका लब्ध प्रतिष्ठित उधोगी व्यवसायी र समाजसेवीहरु मिलेर खोलेको यो बैंकलाई यहाँसम्म ल्याईपुर्याउन स्थापनाकालदेखिका सीईओ भरतराज ढकालको महत्वपूर्ण योगदान रहेको छ । हाल बैंकको सञ्चालक समिति अध्यक्ष समेत रहेका ढकालले क्षेत्रीय स्तरको यस बैंकलाई राष्ट्रिय स्तरको विकास बैंक मात्र बनाएनन्, देशका चर्चित बाणिज्य बैंकहरुसँग चुक्ता पुँजी, मुनाफा र व्यवसायमा प्रतिस्पर्धी बनाउन पनि सफल भएका छन् ।

यस बैंकले ग्रामिण क्षेत्रमा लघुवित्तमार्फत तल्लोतहको जीवनस्तर उकास्न महत्वपूर्ण योगदान पुर्याउदै आएको छ । कुषि क्षेत्रमा लगानी होस् वा आधुनिक बैंकिङ क्षेत्रले अंगालेका नविनतम् प्रविधिका वचत, मुद्धति खाता र कर्जा प्रवाहको माध्यमद्धारा दिन दुगुना फड्को मार्दै आएको छ । राज्यले अख्तियार गरेका विभिन्न नीति निर्देशनलाई समेत अनुशरण गर्दै आएको मुक्तिनाथ विकास बैंक रास्ट्रियस्तरको विकास बैंक भएपनि वाणिज्य बैंकसँग प्रतिस्पर्धा गर्ने र निकट भविष्यमा ८ अर्ब चुक्ता पुर्याएर वाणिज्य बैंक बन्ने बहस बजारमा चल्दै आएकाे छ ।

मुक्तिनाथ विकास सञ्चालक समिति :
बैंक संचालक समितिको अध्यक्षमा भरतराज ढकाल रहेका छन् । त्यस्तै अन्य संचालक सदस्यहरुमा गजेन्द्रमान श्रेष्ठ, रविन्द्रमान श्रेष्ठ, शालिग्राम मिश्र र निर्मला कुमारी के.सी. कार्की र स्वतन्त्र संचालकमा श्यामसुन्दर शर्मा रहेका छन् ।

बैंकका ठुला शेयरधनी:
२०७६ असार मसान्तसम्मको तथ्याङ्क हेर्दा ० दशमलव ५ प्रतिशत भद्ना धेरै स्वामित्व रहेका २८ जना शेयरधनी रहेका छन् । जसमध्ये मीनप्रसाद गुरुङको नाममा १० लाख २३ हजार कित्ता शेयर रहेको छ ।

मुक्तिनाथ विकास बैंकका ठुला १० शेयरधनीको नाम :

मुक्तिनाथ विकास बैंकको उच्च व्यवस्थापन :
यसैगरी बैंकको उच्च व्यवस्थापनमा युवा बैंकर प्रद्युमान पोखरेल सीईओको रुपमा कार्यरत छन् । त्यस्तै समिरशेखर बज्राचार्य नायव सीईओको रुपमा कार्यरत छन् । त्यस्तै बैंकको उच्च व्यवस्थापनमा तिलबहादुर गुरुङ र गोविन्दबहादुर राउत पनि कार्यरत रहेका छन् ।

लाभांशको इतिहास :

कम्पनीले प्रत्यक वर्ष आकर्षक लाभांश दिंदै आएको छ। कम्पनीको चुक्ता पुँजी ४ अर्ब पुग्दा पनि कम्पनीले निरन्तर बोनस शेयरलाई प्राथमिकतामा राखेको छ । कम्पनीले आर्थिक वर्ष ७६/७७ को साधारण सभा सम्पन्न गर्दै ११ दशमवल २५ प्रतिशत बोनस शेयर र ४ दशमलव २६ प्रतिशत नगद लाभांश दिएको छ।

कस्तो आयो दोश्रो त्रैमासको वित्तीय प्रतिवेदन :
कम्पनीले चालु आर्थिक वर्षको दोश्रो त्रैमास अर्थात ६ महिनाको अवधिमा ६१ करोड ५५ लाख खुद मुनाफा गरेकोमा अघिल्लो आर्थिक वर्षको दोश्रो त्रैमाससम्ममा  याे विकास बैंकले ४७ करोड २५ लाख खुद मुनाफा गरेको थियो । यसरी खुद मुनाफामा ३० प्रतिशतको वृद्धि भएको छ ।

प्रमुख आम्दानीको श्रोत व्याज आम्दानीमा ६ प्रतिशतको वृद्धि :
अघिल्लो आर्थिक वर्षको दोश्रो त्रैमाससम्म कम्पनीले १ अर्ब ९ करोड खुद व्याज आम्दानी गरेकोमा चालु आर्थिक वर्षको दोश्रो त्रैमाससम्म कम्पनीले १ अर्ब १६ करोड खुद व्याज आम्दानी गरेको छ । यसरी खुद व्याज आम्दानी ६ प्रतिशतको वृद्धि भएको छ । त्यस्तै, संचालन मुनाफा २८ प्रतिशतले वृद्धि हुँदै ८६ करोड ५२ लाख पुगेको छ । अघिल्लो वर्षको दोश्रो त्रैमासमा कम्पनीले ६७ करोड ४९ लाख संचालन मुनाफा गरेको थियो ।

प्रतिशेयर आम्दानी २५  :
कम्पनीको वार्षिक प्रतिशेयर आम्दानी २५ रुपैयाँ ५९ पैसा हुन आउँछ ।

नोट : माघ ७ गतेको बजार मुल्यको आधारमा

किताबी मूल्य कति ?
कम्पनीको किताबी मूल्य ( प्रतिशेयर नेट्वर्थ) १३० रुपैयाँ आउँछ ।

निक्षेप, कर्जामा कस्तो :
कम्पनीले चालु आर्थिक वर्षको दोश्रो त्रैमाससम्म ७४ अर्ब ८७ करोड निक्षेप संकलन गरी ५८ अर्ब २७ करोड कर्जा प्रवाह गरेको छ । आर्थिक वर्ष ७६/७७ को असार मसान्त र अहिलेको तथ्यांकलाई दाँजेर हेर्दा कम्पनीको निक्षेप संकलन ३१ प्रतिशतले वृद्धि भएको छ भने कर्जा प्रवाह २२ प्रतिशतले नै वृद्धि भएको छ ।

जगेडा कोष बढ्यो , संचित मुनाफा घट्यो :
जगेडा कोष १४ प्रतिशतले वृद्धि हुँदै ९३ करोड ३० लाख पुगेको छ भने संचित मुनाफा १३ प्रतिशतले घट्दै ५३ करोड २६ लाख रुपैयाँ रहेको छ।

निस्क्रिय कर्जा एक प्रतिशत मुनी :
कम्पनीको खराब कर्जा शुन्य दशमलव ३० प्रतिशत रहेको छ । अघिल्लो आर्थिक वर्षको दोश्रो त्रैमासमा खराब कर्जा शुन्य दशमलव ११ प्रतिशत थियो ।

आधार व्याजदर घट्यो :
बैंकको आधार व्याजदर केही थोरै घट्दै ८ दशमलव ३८ प्रतिशत पुगेको छ ।

स्प्रेडदर ५ प्रतिशत भन्दा मुनि :
व्याजदर अन्तर ४ दशमलव ९९ प्रतिशत छ । अघिल्लो आर्थिक वर्ष सोही अवधिमा स्प्रेडदर ५ दशमलव ६६ प्रतिशत थियो ।

कम्पनी र दोश्रो बजार :
मूल्य आम्दानी अनुपात १५ गुणा :
कम्पनीको माघ ७ गतेको बजार मूल्य ३८६ लाई आधार मान्दा कम्पनीको मूल्य आम्दानी अनुपात १५ दशमलव ०९ गुणा आउँछ । १५ मूल्य आम्दानी अनुपात राम्रो मानिन्छ।

निस्कर्ष : बैंकको वित्तीय अवस्था धेरै पक्षमा सकारात्मक देखाए पनि कम्पनीले विगत दश वर्षकाे तुलनामा आर्थिक वर्ष ७६/७७ मा सबैभन्दा कम लाभांश दिएको छ । त्यस्तै कम्पनीको खराब कर्जा पनि विस्तारै वृद्धि हुँदै गएको संकेत मिलेको छ । त्यस्तै कम्पनीको संचित मुनाफा १३ प्रतिशतले घटेको छ । यी कुरालाई छोडेर हेर्दा बैंकको दोश्रो त्रैमासको प्रागति हेर्दा आकर्षक मान्न सकिन्छ।