किन ढिला आउँछ नेपाल पुनर्बीमा कम्पनीको त्रैमासिक रिपोर्ट ?

८ माघ, काठमाडौं । यतिबेला विभिन्न कम्पनीहरु दोस्रो त्रैमासिक रिपोर्ट सार्वजनिक गर्ने होडमा लागिपरेका छन् । जसमध्ये केही वाणिज्य बैंक, विकास बैंक तथा फाइनान्स कम्पनीले दोस्रो त्रैमासको रिपोर्ट समेत सार्वजनिक गरिसकेका छन् । तत्कालै मात्र ५ बैंक तथा  वित्त कम्पनीले दोस्रो त्रैमासको रिपोर्ट सार्वजनिक गरेका छन् ।

यतिबेला अन्य कम्पनी पनि सार्वजनिक गर्ने तयारीमा जुटिरहेका छन् । हालसम्म नेपाल इन्भेष्मेन्ट बैंक, सिटिजन्स बैंक इन्टरनेशनल , कामना सेवा विकास बैंक, मुक्तिनाथ विकास बैंक र फर्स्ट माइक्रोफाइनान्सले दोस्रो त्रैमासको रिपोर्ट सार्वजनिक गरेका छन् । बैंक तथा वित्त कम्पनीलाई रिपोर्ट सार्वजनिक गर्न चटारो भइरहेको अवस्थामा नेपाल पुनर्बीमा कम्पनीले भने, पहिलो त्रैमासको रिपोर्ट समेत सार्वजनिक गरेको छैन् ।

आम लगानीकर्तालाई नेपाल पुनर्बीमा कम्पनीले पहिलो त्रैमासको रिपोर्ट कहिले सार्वजनिक गर्छ भन्ने कौतुहलता जागेकाे छ । लगानीकर्ताको कौतुहलतालाई मध्यनजर गर्दै नेपालबहसले कम्पनीका प्रवक्ता दामोदर भण्डारीसँग प्रश्न सोधेका छाैं । कम्पनीकाे पहिलो त्रैमासको रिपोर्ट कहिले सार्वजनिक हुन्छ ?

भण्डारीले भने,‘इन्स्योरेन्स कम्पनीले क्लाइन्टलसँग काम गर्ने हो । सो आधारमा कम्पनीले हामीलाई तथ्याङ पठाएपछि मात्र हामीले रिपोर्ट सार्वजनिक गछौं, जसकारण रिपोर्ट सार्वजनिक गर्न ढिलाई भएको हो ।’ यतिबेला ताकिता काम भइरहेको छ । चाडैं नै रिपोर्ट प्रकाशन गर्ने गरी तयारी भइरहेको भण्डारीले बताए ।