‘मोदीजी’ लाई विशेष धन्यवाद : प्रधानमन्त्री ओली

१४ माघ, काठमाडौं । भारतले दिएको १० लाख डोज कोरोना खोपका लागि प्रधानमन्त्री केपी शर्मा ओलीले विशेष धन्यवाद दिएका छन् । भारतमा कोरोना खोप लगाउने काम सुरु भएको हप्ता १० दिनमा नै नेपालमा खोप लगाउने काम आजबाट सुरु भएको उल्लेख गर्दै उनले भारतिय प्रधानमन्त्री नरेन्द्र मोदीलाई विशेष धन्यवाद दिएका हुन् ।

सम्बोधनका क्रममा ओलीले भने ‘दुनियँको तुलनामा हामीकहाँ क्षति कम भयो । पहिला कोरोना भाइरस देखा पर्दा हामीसँग एउटा पनि परिक्षण गर्ने स्थल थिएन तर अहिले हामीसँग ८२ स्थानमा कोरोना भाइरस परिक्षण गर्ने ठाउँ छ’ । उनले अगाडि भने ‘हामी स्वास्थ क्षेत्रमा विशेष ध्यान दिएर लागेका छौँ । हामी नेपाली आफैँमा सजग पनि भएका छौं ।’

पहिलो चरणमा स्वास्थ्यकर्मी, सुरक्षाकर्मी, सफाइकर्मीलगायतलाई खोप दिइएको छ । भारत सरकारले अनुदानमा दिएको १० लाख डोज कोभिशिल्ड खोप लगाउन लागिएको हो । यो खोप भारतमा ७० प्रतिशत प्रभावकारी देखिएको छ ।