तीनमहिना भित्र सबै नेपालीलाई कोरोनाविरुद्धको खोपः ओली

१४ माघ, काठमाडौं । प्रधानमन्त्री केपी ओलीले अबको तीन महिना भित्र सबै नेपालीलाई कोरोनाविरुद्धको खोप लगाइसक्ने दाबी गरेकाछन् ।

आज पहिलो चरणको अभियानको थालनी गर्न आयोजित कार्यक्रमलाई संवोधन गर्दै प्रधानमन्त्री ओलीले भने–सरकारले सबै नेपालीलाई नि:शुल्क खोप उपलव्ध गराउनेछ । भारत सरकारले निशुल्क अनुदानका रुपमा उपलव्ध गराएको खोप पहिलो चरणमा लगाएको भन्दै उनले यसको प्रभावकारिता ७० प्रतिसत रहेको स्मरण गराए । यसका लागि भारतीय प्रधानमन्त्री नरेन्द्र मोदीलाई धन्यवाद दिंदै ओलीले अरु आवश्यक खोप भारतबाट खरिद गरेर ल्याइने जानकारी दिए ।

यसैबीच अभियानाको थालनी गर्दै टेकू अस्पतालका चिकित्कस डा. अनुप बाँस्तोलाले भारतबाट प्राप्त कोभिशिल्ड खोप प्रभावकारी भएकाले आफूलगायत धेरै स्वास्थकर्मीले लिएको बताएकाछन् ।

आज खोप लिइसकेपछि पत्रकारहरुसँग कुरा गर्दै डा. बास्तोलाले भने नेपाल पनि अब कोरोनाविरुद्धको लडाईंमा नयाँ चरणमा प्रवेश गरेको बताए । बजारमा अनेकथरि हल्ला चलेको भएपनि त्यस्तो केहीपनि नकारात्मक नभएको भन्दै उनले यसले नै कोरोनाविरुद्धको लडाईं जित्न बल पुुग्ने दावी गरे ।