नुवाकोट चेम्वरको दोस्रो वार्षिक साधारण सभा सम्पन्न

१६ माघ, काठमाडौं । नुवाकोट चेम्बर अफ कमर्सको दोश्रो वार्षिक साधारण सभा सम्पन्न भएको छ । नेपाल चेम्बर अफ कमर्सका अध्यक्ष तथा कार्यक्रमका प्रमुख अतिथी राजेशकाजी श्रेष्ठले एक समारोह बीच पानसमा बत्तिबाली साधारण सभाको उद्घाटन गरे ।

उनले मुलुक अब संघीयतामा गएसँगै चेम्बरको सञ्जाल पनि उद्यम व्यवशायको विकास र नीतिगत वहश पैरवी, व्यावसायीको हक हितमा संलग्न रहनु पर्ने भएकाले प्रदेश, जिल्ला र नगरमा समेत जिल्ला चेम्बर अफ कमर्सको विस्तार गरिएको बताए । अध्यक्ष श्रेष्ठले चेम्बरको इतिहास व्यवसायीहरुको हक हितका साथै सामाजिक सेवामा पनि चेम्बर सकृय रहेको बताए ।

नुवाकोटको स्थानिय उत्पादनलाई बढाइ निर्यातलाई प्राथमिकता दिनुपर्ने र यहांका ऐतिहाशिक स्थलहरुलाइ पर्यटकीय गन्तव्य स्थलको रुपमा बिस्तार गर्न पर्ने बताए । सो अवसरमा सभापतिको आशनबाट नुवाकोट चेम्वर अफ कमर्सका अध्यक्ष कबिन्द्रमान प्रधानले नुवाकोट चेम्बरले यस क्षेत्रका उद्यमी÷व्यवसायीको समस्या समाधान गर्ने संस्थाको रुपमा कार्य गर्ने बताए ।

आमन्त्रित सहभागीहरुलाइ स्वागत गर्दै यस क्षेत्रको पर्यटकीय कृषि तथा जडीवुटीको संभावनालाई दृष्टिगत गरी यसलाई नुवाकोटको आर्थिक गतिबिधि चलायमान बनाउन चेम्वर अग्रसर हुने बताए । सो अवसरमा बिशिष्ट अतिथि प्रदेश नं. ३ चेम्वर अफ कमर्सका अध्यक्ष कृष्णमान श्रेष्ठ, उपभोक्ता मंचका जिल्ला अध्यक्ष इन्द्र वहादुर पण्डित, उद्योग वाणिज्य संघका जिल्ला अध्यक्ष गिता अमात्य तथा रेडिमेड कपडा व्यापार संघका संजीव श्रेष्ठले शुभकामना मन्तव्य दिएका थिए । उक्त अवसरमा नेपाल चेम्वर अफ कमर्सका कार्य समिति सदस्य त्रिभुबनधर तुलाधर तथा राम श्रेष्ठको पनि उपस्थिति रहेको थियो । नुवाकोट चेम्बर अफ कमर्सका अध्यक्ष कबिन्द्रमान प्रधानको अध्यक्षतामा सम्पन्न सो सभामा वरिष्ठ उपाध्यक्ष ओम श्रेष्ठले गरे ।