नुवाकोट चेम्वर अफ कमर्सको दोस्रो वार्षिक साधारण सभा सम्पन्न

१६ माघ, काठमाडौं । नुवाकोट चेम्बर अफ कमर्सको दोस्रो वार्षिक साधारण सभा सम्पन्न भएको छ । शुक्रबार नेपाल चेम्बर अफ कमर्सका अध्यक्ष तथा कार्यक्रमका प्रमुख अतिथी राजेश काजी श्रेष्ठले उपस्थितिमा दोस्रो साधारण सभा सम्पन्न भएको हो ।

मुलुक संघीयतामा गएसँगै चेम्बरको सञ्जाल पनि उद्यम व्यवशायको विकास र नीतिगत वहश पैरवी , व्यावसायीको हक हितमा संलग्न रहनु पर्ने भएकाले प्रदेश, जिल्ला र नगरमा समेत जिल्ला चेम्बर अफ कमर्सको विस्तार गरिएको अध्यक्ष श्रेष्ठ बताए । उनले चेम्बरको इतिहास व्यवसायीहरुको हक हितका साथै सामाजिक सेवामा पनि चेम्बर सक्रिय रहेको बताए ।

नुवाकोटको स्थानिय उत्पादनलाइ बढाइ निर्यातलाई प्राथमिकता दिनुपर्ने र ऐतिहाशिक स्थलहरुलाइ पर्यटकीय गन्तव्य स्थलको रुपमा बिस्तार गर्न पर्ने बताए ।

सो अवसरमा सभापतिको आशनबाट नुवाकोट चेम्वर अफ कमर्सका अध्यक्ष कबिन्द्रमान प्रधानले नुवाकोट चेम्बरले यस क्षेत्रका उद्यमी/व्यवसायीको समस्या समाधान गर्ने संस्थाको रुपमा कार्य गर्ने बताए । आमन्त्रित सहभागीहरुलाइ स्वागत गदै यस क्षेत्रको पर्यटकीय कृषि तथा जडीवुटीको संभावनालाइ दृष्टिगत गरी यसलाइ नुवाकोटको आर्थिक गतिबिधि चलायमान बनाउन चेम्वर अग्रसर हुने उनले बताए ।

सो कार्यक्रममा कार्यक्रमका बिशिष्ट अतिथि प्रदेश नं. ३ चेम्वर अफ कमर्सका अध्यक्ष कृष्णमान श्रेष्ठ, उपभोक्ता मंचका जिल्ला अध्यक्ष इन्द्र वहादुर पण्डित, उद्योग वाणिज्य संघका जिल्ला अध्यक्ष गिता अमात्य तथा रेडिमेड कपडा व्यापार संघका संजीव श्रेष्ठले शुभकामना मन्तव्य राखेका थिय ।