सबैको लघुवित्तद्वारा ११.०५ प्रतिशत लाभांश घोषणा

१८ माघ, काठमाडौं । सबैको लघुवित्त वित्तीय संस्था लिमिटेडले गत आर्थिक वर्षको लाभांश प्रस्ताव गरेको छ । कम्पनीले १० दशमलव ५० प्रतिशत बोनस शेयर र कर प्रयोजनका लागि शून्य दशमलव ५५ प्रतिशत नगद लाभांश प्रस्ताव गरेको हो ।

कम्पनीको माघ १७ गतेको सञ्चालन समितिको बैठकले नेपाल राष्ट्र बैंकको स्वीकृति पश्चात कम्पनीको आगामी साधारण सभाले पारित गरेपछि वितरण गर्ने गरी कुल ११ दशमलव शून्य ५ प्रतिशत लाभांश प्रस्ताव गरेको हो ।

हाल कम्पनीको चुक्तापूँजी १८ करोड ६४ लाख ५० हजार को आधारमा लाभांश वितरणको तयारी गरेको हो ।