नेपालमा बर्डफ्लु भित्रिएसंगै चनाखो बन्दै मन्त्रालय

१९ माघ,काठमाडौं । नेपालमा बर्डफ्लु भित्रिएसंगै कृषि तथा पशुपन्छी विकास मन्त्रालयले बर्डफ्लु नियन्त्रणका लागि आवश्यक तयारी गरिसकेको बताएको छ ।

बर्डफ्लु नियन्त्रणका लागि ‘¥यापिड रेस्पोन्स टीम’ तयार गरेर सतर्क रुपमा बसेको मन्त्रालयले जनाएको हो ।

काठमाडौंको तारकेश्वर नगरपालिका–७ साङ्खोला, फुटुङमा नमुना परीक्षण गर्दा बर्डफ्लु पुष्टि भएपछि अहिले मन्त्रालयले देशैभरबाट नमुना संकलन गरी परीक्षणको दायरा बढाएको छ ।

नेपालमा खासगरी टर्की, हाँस र लोकल कुखुरामा बर्डफ्लु देखिएको छ । यस्तै अहिले देखिएको बर्डफ्लुबाट आत्तिनुपर्ने अवस्था नरहेको पनि मन्त्रालयले जनाएको छ ।

मन्त्रालयले विभिन्न प्रयोगशाला, ८ वटा क्वारेन्टाइन कार्यालय, २४ वटा चेकपोष्टहरुलाई सतर्क रुपमा राखेको पनि बताएको छ ।