घरको आँगनबाटै दुई वर्षीय बालक बेपत्ता

२१ माघ, जनकपुरधाम । आफ्नै घरको आँगनमा खेल्दै गरेका दुई वर्षीय बालक बेपत्ता भएका छन् । जिल्लाको सिराहा नगरपालिका-१ बस्ने प्रदीप यादवका दुई वर्षीय छोरा इशान्त मंगलबार साँझदेखि हराइरहेको प्रहरीले जनाएको छ ।

घरमै खेलिरहेका ती बालक एक्कासी हराएपछि परिवारजनले उनको अपहरणको आशंका गरेको प्रहरीले जनाएको छ । यद्यपि प्रहरीले अपहरण पुष्टि हुन नसकेको बताएको छ ।