पदाधिकारीलाई काम गर्न नदिन माग गर्दै रिट दायर

२१ माघ, काठमाडौं । संवैधानिक निकायका पदाधिकारीलाई काम गर्न नदिन माग गर्दै सर्वोच्च अदालतमा रिट दायर भएको छ ।  बुधबार सपथ लिएका संवैधानिक निकायका प्रमुख तथा पदाधिकारीहरुलाई कामकाज रोक्न माग गर्दै सर्वोच्च अदालतमा रिट दायर भएको हो ।

अधिवक्ता दिनेश त्रिपाठीले संवैधानिक निकाय ३२ जना प्रमुख तथा पदाधिकारीहरुको काम गर्न रोक लगाउन माग गर्दै रिट दायर गरेका छन् । त्रिपाठीले संवैधानिक परिषद सम्बन्धी अध्यादेश नै संविधानविपरित रहेको दावी गर्दै सरकारले ल्याएको अध्यादेशले संविधानको धारा २,८३, २८४ र २९२ को बर्खिलाप भएको उल्लेख छ ।

रिटमा परिषदका ६ मध्ये ३ जना बसेर निर्णय गर्न नमिल्ने र संसदीय सुनुवाईबिनै ती आयोगहरुमा नियुक्तिको परिकल्पना संविधान नगरेको उल्लेख छ ।