कोभ्याक्समार्फत पहिलो चरणमा २२ लाख खोप आउने पूर्वानुमान

२१ माघ, काठमाडौं । नेपालमा कोभ्याक्समार्फत पहिलो चरणमा २२ लाख खोप आउने पूर्वानुमानमा गरिएकाे छ ।  नेपालले पहिलो चरणमा २२ लाख ५६ हजार जोड खाेप पाउने उल्लेख छ।‌ यो नेपालको जनसंख्याको करिब ३.३ प्रतिशत हो ।

यो खोप सन् २०२१ को‌ पहिलो छ महिनामा प्राप्त हुनसक्ने बताइएको छ । सबै देशमा समानरूपमा कोरोना खोप उपलब्ध गराउने लक्ष्यसहित विश्व स्वास्थ्य सङ्गठन ‘डब्ल्यूएचओ’ र खोपबारे पैरवी गर्ने अन्य समूहले सन् २०२० को अप्रिलमा कोभ्याक्स अभियान घोषणा गरेका थिए ।

कोभ्याक्स अभियान अन्तर्गत सन् २०२१ को अन्तिमसम्ममा विश्वभर २ अर्ब डोज खोप आपूर्तिको लक्ष्य डब्ल्यूएचओले लिएको छ ।