पर्सामा एक सय लिटर घरेजु मदिरा नष्ट [ फोटो फिचर ]

२८ माघ, पर्सा । पर्सामा प्रहरीले अवैध घरेलु १ सय लिटर मदिरा बरामद गरि नष्ट गरेको छ । अबैध घरेलु मदिरा नष्ट गर्ने अभियान अन्तर्गत यस कार्यालय मातहत ई.प्र.का. ठोरी र सि.प्र.चौ.भिष्वा बन्जारी पर्साबाट खटीएको प्रहरी टोलीले मदिरा बरामद गरि नष्ट गरेको हाे ।

प्रहरीले जिल्ला पर्सा छिपहरमाई गा.पा.वडा नं.४ बन्जारी टोल, ठोरी गा.पा. वडा नं. ५ सुवर्णपुर स्थित विभिन्न स्थानमा अवैध रुपमा संचालनगरेको घरेलु मदिरा उत्पादन गर्ने भठ्ठी ६ वटा फुटाई नष्ट गरेको जनाएकाे छ ।

सो भठ्ठीहरुबाट प्रहरीले घरेलु मदिरा बनाउन प्रयोग हुनेकच्चा पदार्थ १५ सय लिटर, तयारी मदिरा १ सय लिटर बरामद गरी कानून बमोजिम नष्ट गरीएको साथै रक्सी बनाउन प्रयोग गरिने मेसिन १ थान, ड्रम १० थान र ९० थान भाँडा वर्तन समतेनियन्त्रणमा लिएको प्रहरी नायव उपरीक्षक मनोजित कुवँरले जानकारी दिए ।