कस्तो छ तपाईको फागुन महिनाको राशीफल ?
नेपालबहस संवाददाता
फागुन १, २०७७ शनिबार ११:४३:५१
मेष (चू,चे,चो,ला,लि,लू,ले,लो,अ):- महिनाभर लाभभावमा गोचर गर्ने सूर्य र अन्य ग्रहको अनुकुल प्रभाव रहनेछ । राजनीतिकर्मी, खेलाडी, पत्रकार तथा बिद्यार्थीहरुका लागि समय उत्तम रहेको छ । नोकरी पाउने तथा पदोन्नतिको गतिलो योग रहेको छ । अग्रज तथा आफन्तबाट तपाईको काममा सहयोग तथा आशीर्वाद प्राप्त हुनेछ । पैत्रिक धनसम्पतिको प्रयोग गरी प्रशस्त लाभ लिन सकिनेछ । समाजमा राम्रा काम गर्न सकिने हुनाले उचाई बढ्नेछ । राज्यबाट पद प्राप्तिको गतिलो योग रहेको छ भने, मानसम्मान, ईज्जत प्रतिष्ठामा बृद्धि भएर जानेछ ।
व्यापार व्यवसायमा लगानी गरी मनग्गे धन आर्जन गर्न सकिने छ भने, प्राकृतिक स्रोतसाधन जस्तै खनिज पदार्थ, तरल पदार्थको कारोबारबाट मनग्गे धनसम्पति आर्जन गर्न सकिनेछ । आकस्मिक लाभ तथा आभुषण प्राप्तिको गतिलो योग रहेको छ । तपाईको कार्यकुशलताको सबैले तारिफ गर्नेछन् ।
कुटुम्ब तथा आफन्तबाट धन तथा सम्पति लाभ हुने ग्रहयोग रहेको छ । मेलमिलाप तथा भाईचाराको सम्बन्ध स्थापनामा तपाईको भूमिका महत्वपूर्ण हुनेछ । मायाप्रेममा नजिक हुन सकिने तथा जीवनसाथीको सहयोगले राम्रा तथा परिणाममुखी कार्य सकिने छ । शुक्र र बुधको अनुकुल प्रभावले लेखन, कला तथा साहित्य क्षेत्रमा लगानी गर्नेहरुका लागि समय फलदायी रहनेछ ।
राज्यभावमा महिनाभरनै गोचर गर्ने बृहस्पतीको अनुकुल प्रभावले शिक्षा क्षेत्र, बैंक तथा बित्तीय क्षेत्र र शेयरबजारको कारोबार फस्टाएर जानेछ । स्कुल तथा कलेजमा लगानी गर्नेहरुले भनेजस्तो प्रतिफल प्राप्त नभएपनि पहिलाको भन्दा सुधार भएर जानेछ । दोस्रो सातासम्म मंगलको अनुकुल प्रभाव रहने हुनाले फौजी क्षेत्रमा काम गर्न चाहनेहरुले नोकरी पाउने र काम गरिरहेकाहरुले बढुवा वा मानसम्मान पाउनेछन् ।
बृष (ई,ऊ,ए,ओ,वा,वी,वू,वे,वो):- महिनाभर राज्यभावमा गोचर गर्ने सूर्यले नीतिनिर्माण तहमा तपाईको सम्मानजनक उपस्थिति रहनेछ भने, यो महिना गरिने निर्णयहरु सबैलाई मान्य हुनेछ । नोकरी पाउने तथा पदोन्नतिको गतिलो योग रहेको छ । प्रशासनिक क्षेत्रमा सामेल भई सामाजिक काम गर्ने अवसर प्राप्त हुने हुँदा मानसम्मान तथा ईज्जत प्रतिष्ठामा बृद्धि भएर जाने छ ।
राजनीतिकर्मी तथा कुटनीतिको क्षेत्रमा समय लगानी गर्नेहरुले उच्चपद पाउने गतिलो योग रहेको छ । पढाईलेखाईमा प्रतिस्पर्धीहरुलाई किनारा लगाउँदै नतिजा आफ्नो पोल्टोमा पार्न सकिनेछ भने राजनीतिशास्त्र अध्ययन गर्नेहरुका लागि समय राम्रो रहेको छ । कला साहित्य तथा गीत संगीतमा बिशेष रुचि बढ्नेछ ।
पारिवारिक जमघटमा सहभागी भई मिठो मसिनो भोजन ग्रहण गर्ने अवसर प्राप्त हुनेछ । व्यापार व्यवसायमा समय लगानी गर्ने व्यापारीहरुका लागि समय उत्तम रहेको छ । पराक्रमी क्रिर्याकलापमा भाग लिनेहरुले नाम तथा दाम दुवै कमाउन सक्नेछन् । मातापिता तथा अग्रजबाट आशीर्वाद तथा सहयोग पाईनेछ ।
विशेष गरी खनिज पदार्थसँग सम्बन्धित कामहरु र जग्गाजमिनको कारोबार गर्नेहरुका लागि समय उत्तम रहने छ । राशीमा गोचर गर्ने राहु र पारिवारिक सम्बन्धको भावमा गोचर गर्ने केतुको प्रभावले मायाप्रेममा एकअर्कालाई अविश्वास गर्नाले लामो समयदेखिको सम्बन्ध टुट्न सक्छ । घर परिवारमा विशेष गरि पतिपत्नीबीच घरायसी कुरामा राय बाजिनेछ ।
भाग्यभावमा गोचर गर्ने बृहस्पति र शनिको प्रभाव अनुकुल रहनेछ । जसको प्रभावले लामोदुरीको धार्मिक तथा शैक्षिक यात्राको प्रशस्त सम्भावना रहेको छ । कमर्श, वकालत, मन्त्री, प्रशासनिक तथा सरकारी क्षेत्रबाट बिशेष फाईदा हुनेछ । फिल्म, मोडलिङ, फेशन डिजाईनिङ, गल्यामरस् जस्ता क्षेत्रमा प्रगति गर्ने तथा बिलाशी जीवन व्यतित हुनेछ ।
मिथुन ( का,की,कू,घ,ङ,छ,के,को,हा) :- भाग्यभावमा महिनाभर नै गोचर गर्ने सूर्यको प्रतिकुल प्रभावको कारणले घरगृहस्थीमा व्यवहारिक कुरा नमिल्दा केही असहज परिस्थितिको सिर्जना नहोला भन्न सकिन्न । औषधिजन्य तथा खाद्यान्नसँग सम्बन्धित व्यापारमा वृद्धि भएपनि अन्य व्यापारमा मन्दी आउनेछ ।
श्वासप्रश्वास, आँखा, टाउको सम्बन्धि समस्या आउने सम्भावना रहेको छ । दीर्घरोग जस्तै प्रेसर, सुगर जस्ता रोगीहरुले बिशेष ख्याल गर्नुहोला । तरपनि संघर्षका बावजुद राजनीति तथा समाजसेवामा समय लगानी गर्नेहरुका लागि राज्यबाट पद प्राप्तिको योग रहेको छ । सरकारी जागिरेहरुकाे बढुवा तथा सुगम स्थानमा स्थानान्तरणको प्रशस्त सम्भावना रहेको छ । ठुलाबडा तथा विशिष्ट व्यक्तिहरुको आशीर्वाद पाईने हुँदा मन प्रशन्न हुनेछ ।
बुध, शुक्र र अन्य ग्रहको अनुकुल प्रभावले गीतकार,संगीतकार तथा साहित्यको क्षेत्रमा काम गर्नेहरुका लागि समय फलदायी रहने छ । मायाप्रेममा रमाउन चाहनेहरुका लागि महिना मिश्रित रहेको छ । आफन्त तथा दाजुभाईको सहयोग रहनेछ भने छोटोदुरीको रमाईलो यात्राको तय हुनेछ । बैंक तथा बित्तीय क्षेत्रसँग सम्बन्धित कामबाट मनग्गे धनलाभ हुनेछ । सामाजिक सञ्जाल तथा प्रविधिको प्रयोगमार्फत आफ्ना विचारहरु जनमानसमा लैजान सकिने छ ।
मिथुन राशी हुनेहरुका लागि महिनाभरनै शनिको अढैयाँ दशाको प्रभाव रहने छ । जसको प्रभावले दीर्घरोग जस्तै प्रेसर, सुगर, नसा सम्बन्धी समस्या भएकाहरु र प्यारालाईसिस सम्बन्धी समस्या भएकाहरुले विशेष ध्यान दिनुहोला । सवारीसाधन तथा भौतिक सम्पतिको प्रयोग गर्दा ध्यान नदिए अप्रिय घट्ना नहोला भन्न सकिन्छ ।
कष्टभावमा गोचर गर्ने बृहस्पती र खर्चभावमा गोचर गर्ने राहुको प्रभावले घरपरिवारमा आफन्तको स्वास्थ्यमा समस्या आई औषधी उपचार खर्च बढेर जानेछ । शैक्षिक वा धार्मिक यात्रा कष्टकर नहोला भन्न सकिन्न । सञ्चार जगतमा, ईन्फर्मेसन टेक्नोलोजी, सफ्टवेयर डिजाईनिङ, स्टक एक्चञ्ज, चार्टर एकाउन्टेण्ट, व्यापार, हाँस्यव्यङग्य, कलाकार, लेखक, साहित्यकार, राजदुत तथा चलचित्र क्षेत्रमा काम गर्नेहरुका लागि यो महिना उत्तम रहेको छ ।
कर्कट ( ही,हू,हे,हो,डा,डी,डु,डे,डो):- महिनाभर कष्टभावमा गोचर गर्ने सूर्यले स्थायी सम्पतिमा विवाद आउने योग रहेको छ भने दिदीबहिनी तथा आफन्तसँग अनावश्यक विवाद हुनेछ । घरपरिवारका आफन्तको स्वास्थ्यमा समस्या आई औषधी उपचार खर्च बढेर जानेछ । श्वासप्रश्वास, आँखा, टाउको सम्बन्धि समस्या आउने सम्भावना रहेको छ । दीर्घरोग जस्तै प्रेसर, सुगर जस्ता रोगीहरुले बिशेष ख्याल गर्नुहोला ।
राजनीति तथा समाजसेवामा तपाईको उपस्थिति कमजोर रहनेछ । आफन्त तथा शुभचिन्तकहरुको सल्लाह तथा सुझावलाई बेवास्ता गर्दा दुःख पाईनेछ । तरपनि महिनाभर नै मंगल, बृहस्पति , बुध र शुक्रको अनुकुल प्रभावले व्यापार व्यवसायमा लगानी गरि मनग्गे धन तथा सम्पति कमाउन सकिनेछ ।
एकल तथा साझेदारी व्यवसाय फस्टाएर जाने तथा भनेजस्तो प्रतिफल प्राप्त हुनेछ । राज्यको मेकानिजम्भित्र बसेर काम गर्नेहरुका लागि नोकरीमा बढुवा र सुगम स्थानमा स्थानान्तरणको बलियो सम्भावना रहेको छ । लेखन, कला साहित्यमा बाँकी रहेका कामहरुलाई फत्ते गरि नाम तथा दाम कमाउन सकिने छ ।
नसोचेको धन तथा भौतिक सम्पति प्राप्त हुनेछ । प्राकृतिक स्रोत साधन तथा पैत्रिक धन सम्पतिको प्रयोग परिचालनमार्फत मनग्गे धनआर्जन गर्न सकिने छ । कृषि तथा पशुपालन, बैंक तथा बित्तीय क्षेत्रमा गरिएको लगानीबाट मनग्गे लाभ लिन सकिनेछ । टेक्नीकल बिषय वा कानुनको अध्ययन गर्ने बिद्यार्थीहरुका लागि महिना उत्तम रहेको छ भने उत्कृष्ट नतिजाका साथ तपाईको नाम अग्रस्थानमा आउनेछ । पानीसँग सम्बन्धित काम जस्तै जलसेना, हाइड्रो ईन्जिनियर, पौडीबाज,तेल प्रशाेधन, खेतीपाती, पशुपालन, कृषि, डेरी प्रोडक्सन तथा प्रशासनिक क्षेत्रमा काम गर्नेहरुका लागि समय उत्तम रहेको छ ।
सिंह (मा,मी,मू,मे,मो,टा,टी,टू,टे):- महिनाभर नै व्यापार भावमा गोचर गर्ने कमजोर सूर्यले आर्थिक अपचलनको मुद्दा लाग्न सक्छ, ध्यान दिनुहोला । घरपरिवार तथा जीवनसाथीसँग राय बाजिनेछ । साझेदारी व्यवसायमा लगानी गर्नेहरुका लागि यो महिना साझेदारहरु बीच मनमुटाव बढ्ने योग रहेको छ । राजनीति तथा समाजसेवामा जनताको आलोचनात्मक समर्थन रहनेछ ।
तरपनि अन्य ग्रहको अनुकुल प्रभावले थोरै स्रोतसाधनको प्रयोगबाट असीमित आवश्यकताहरू पुरा गर्न सकिने हुनाले मन प्रशन्न रहने छ । छोटो वा लामोदुरीको धार्मिक तथा शैक्षिक यात्राको प्रशस्त सम्भावना रहेको छ । शुभ तथा मांगलिक सभासमारोहमा आफन्त तथा साथीहरुसँग सहभागी भई मिठा परिकार खादै रमाईलो गफ गरेर महिना कटाउन सकिने छ । अग्रज तथा आफन्तको आशीर्वादले अगाडि बढ्न प्रोत्साहन गर्नेछ । पढाईलेखाई सुधार भएर जानेछ भने कुनैपनि प्रतिस्पर्धामा प्रतिस्पर्धीहरुलाई सजिलै हराउन सकिनेछ । अग्रज तथा आफन्तबाट आशीर्वाद प्राप्त हुनेछ ।
प्रतिस्पर्धा भावमा गोचर गर्ने शनि र बृहस्पतीको अनुकुल प्रभाव रहनेछ । निर्माण सामाग्री, अटो पार्टस्, खनिज पदार्थ, प्राकृतिक स्रोतसाधनको व्यापार व्यवसाय गर्नेहरुका लागि समय राम्रो रहेको छ । काम वा अध्ययनको सवालमा लामोदुरीको यात्राको तय गर्न सकिनेछ । प्रशासनिक कार्य, सेना, प्रहरी, गुप्तचर, सुरक्षा संगठन, उद्योग, व्यवस्थापन, मेडिकल, राजनीति, प्यारामेडिकल क्षेत्र, रिर्चस, अध्यात्म, ज्योतिष जस्ता क्षेत्रमा यो महिना राम्रो प्रगति हुनेछ ।
कन्या ( टो,पा,पी,पू,ष,ण,ठ,पे,पो ) :- छैटौं भावमा महिनाभर नै गोचर गर्ने सूर्यले साहसी काम गरेर अरुको मन जित्न सकिनेछ भने प्रतिस्पर्धीहरु पनि सहयोगी बन्नेछन् । नोकरीमा हुने प्रतिस्पर्धामा तपाईको नाम अग्रस्थानमा आउनेछ । अदालत तथा न्यायलयबाट हुने निर्णयहरु तपाईकै पक्षमा आउने हुँदा मन प्रशन्न हुनेछ । राजनीति तथा समाजसेवामा जनताको गतिलो समर्थन रहनेछ भने पद प्राप्तिको योग रहेको छ । मातापिता तथा मावली पक्षबाट आशिर्वाद पाईनेछ । बाधा बिरोध गर्नेहरु आफै किनारा लाग्नेछन् । थाती रहेको तथा अल्झेर बसेका कामधन्दाहरु नियमित रुपमा सुचारु हुँदा काम गर्न जोशजाँगर बढेर आउनेछ ।
पढाईलेखाईमा प्रविधिको प्रयोग गरि अरुलाई पछाडि छोड्दै तपाईँको नाम अग्रस्थानमा आउनेछ । प्रेम बन्धनमा बाधिने गतिलो सम्भावना रहेको छ भने छुट्टिएका प्रेम सम्बन्धहरु पुनर्मिलन हुने प्रशस्त सम्भावना रहेको छ । खनिज पदार्थ, खाद्यान्न, औषधी तथा निर्माण सामाग्रीको व्यापार फस्टाएर जानेछ । बैंक तथा बित्तीय क्षेत्रमा र शिक्षा क्षेत्रमा लगानी गर्नेहरुका लागि समय फलदायी रहनेछ ।
बिद्या भावमा गोचर गर्ने बृहस्पतिको अनुकुल प्रभावले अध्ययन वा कामको सवालमा लामोदुरीको यात्राको तय गर्न सकिनेछ । टेक्नीकल विषयसँग सम्बन्धित अध्ययन गर्नेहरुका लागि समयले साथ दिनेछ । व्यापार व्यवसाय, बाणिज्य, लेखन, कला, साहित्य तथा सबै खाले प्राविधिक पेशामा कन्या राशी भएका व्यक्तिहरुले आफुलाई स्थापित गर्दछन् । साथै कम्यूनिकेशन, अफिसर, वलिक, राजनीतिक सल्लाहकार, शिक्षक, प्राध्यापन आदि पेशा व्यवसायमा सफल हुने समय रहेको छ ।
तुला ( रा,री,रु,रे,रो,ता,ती,तू,ते ) :- सन्तान तथा बिद्याभावमा महिनाभर सूर्यको प्रभावले सन्तान तथा आफन्तसँग मनमुटाव बढ्नेछ । अध्ययनमा भनेजस्तो प्रगति गर्न नसकिएपनि प्रविधिको प्रयोग गरि निरन्तरता दिन सकिनेछ । शेयरबजार तथा आर्थिक क्षेत्रमा गरिएको लगानी खस्केर जानेछ । पेट, आँखा तथा टाउकोमा समस्या आई औषधी उपचार खर्च बढ्नेछ । दिर्घरोगी जस्तै सुगर, प्रेसर र मुटु सम्बन्धी समस्या भएकाहरुका लागि महिना मध्यम रहेको छ ।
तुला राशी हुनेहरुका लागि महिनाभर नै शनिको अढैया प्रभाव रहनेछ । घरजग्गा तथा सवारी साधनको प्रयोग वा परिचालन गर्दा ध्यान दिनुहोला । आफ्नो वा आमाको स्वास्थ्यमा समस्या आई औषधी उपचार खर्च बढेर जानेछ । सामाजिक पदप्रतिष्ठामा दाग लाग्न सक्छ, ध्यान दिनुहोला । तरपनि महिनाभर नै बुध, शुक्र, मंगल र बृहस्पतिको प्रभाव भने अनुकुल हुनेछ । अग्रज तथा आफन्तबाट टिका तथा आशिर्वाद पाईनेछ ।
राज्यसंयन्त्रको नजिक जस्तै निजामती, फौजी तथा संस्थानमा र प्राईभेट कम्पनीहरुका काम गर्नेहरका लागि समयले साथ दिनेछ । लेखनकलाको माध्यमबाट आफ्ना विचारहरु जनमानसमा लैजान सकिनेछ । भौतिक तथा विलाशी वस्तुको कारोबार गर्नेहरुले मनग्गे धन सम्पति जोड्न सक्नेछन । उपहार तथा चिठ्ठा प्राप्तिको गतिलो योग रहेको छ ।
अध्ययन तथा कामको शिलशिलामा लामोदुरीको यात्राको तय हुनेछ । कूटनीति, परराष्ट्र, राजनीति, राजदुत वा यस्तै कार्यमा आफुलाई अब्बल साबित गर्दछन् । त्यसैगरि स्पेश ईन्जिनियर, खगोल विज्ञान, जिनेटिक ईन्जिनियर, कपडा, कागज, प्रेस तथा मिडिया जस्ता क्षेत्रमा आफ्नो अधिकार स्थापित गर्न सकिने सयम रहेको छ ।
बृश्चिक ( तो,ना,नी,नू,ने,नो,या,यी,यू ) :- सुखभावमा महिनाभर सूर्यको प्रभावले राजनीति तथा समाजसेवामा जनताको समर्थन पाउन निकै नै मेहनेत गर्नुपर्ने भएकोले राजनीतिकर्मी, समाजसेवी तथा घरजग्गाको कारोबार गर्ने व्यापारीहरुका लागि समय मध्यम रहेको छ । आफ्नो वा आमाको स्वास्थ्यमा समस्या आउन सक्छ, ध्यान दिनुहोला । भौतिक सम्पति तथा सवारीसाधनको कारोबार गर्दा ध्यान दिनुहोला ।
तरपनि महिनाभर नै बुध, शुक्र तथा मंगलको प्रभाव भने अनुकुल हुनेछ । प्राकृतिक स्रोत तथा पैत्रिक धनसम्पतिको प्रयोगमार्फत आम्दानी बढाउन सकिनेछ । लेखनकलाको माध्यमबाट आफ्ना विचारहरु जनमानसमा लैजान सकिनेछ । भौतिक तथा विलाशी वस्तुको कारोबार गर्नेहरुका लागी मनग्गे धनसम्पति जोड्न सकिने समय रहेको छ । बैंक तथा बित्तीय क्षेत्रसँग सम्बन्धित कारोबार केही मात्रामा फस्टाएर जानेछ ।
पराक्रमभावमा गोचर बृहस्पति र अन्य ग्रहको शुभ प्रभाव रहने हुनाले औषधीजन्य तथा खाद्यान्न र निर्माण सामाग्रीसँग सम्वन्धित सामानको खरिदबिक्रीमा उल्लेख्य वृद्धि हुनेछ । बैंक तथा बित्तीय क्षेत्र र शिक्षा क्षेत्रबाट लाभ लिन सकिनेछ । अध्ययनकै सवालमा छोटो वा लामोदुरीको यात्राको तय गर्न सकिने छ । जो व्यक्तिहरु कवि, दार्शनिक, लेखक, समालोचक, विचारक तथा गुप्तचर, आयात, अनुसन्धान, केमिकल, रिसर्च, एक्सप्लोरिङ, जीवविज्ञान तथा समुन्द्रसँग सम्बन्धित काम गर्नेहरुका लागि यो महिना उत्तम रहनेछ ।
धनु ( ये,यो,भा,भी,भू,ध,फा,ढा,भे ): – धनु राशी भएका व्यक्तिहरुका लागि यो महिना समय उत्तम रहेको छ । खेलाडी तथा पराक्रमी क्रिर्याकलापमा समय लगानी गर्नेहरुले प्रशस्त धन तथा सम्पति संग्रह गर्नेछन् । मुद्दा मामिला तथा न्यायालयबाट हुने न्याय सम्पादन तपाईकै पक्षमा हुनेछन् ।
राजनीति तथा समाजसेवामा जनताको साथ तथा समर्थन प्राप्त हुने हुँदा राजनीतिकर्मी तथा कुटनीतिको क्षेत्रमा काम गर्नेहरुका लागि समय उत्तम रहेको छ । सामाजिक सञ्जाल तथा प्रविधिको प्रयोगमार्फत आफ्ना विचारहरु जनमानसमा लैजान सकिनेछ । अन्धबिश्वास तथा कुसंस्कारको बिरुद्ध कलम चलाई समाजलाई शिक्षित पार्न तपाईँको लेखनकलाले महत्वपूर्ण भमिका निर्बाह गर्नेछ । आफन्त तथा अग्रजबाट आशीर्वाद प्राप्त हुनेछ ।
बिद्यामा सफलता प्राप्त हुनेछ भने छोटो तथा रमाईलो यात्राको तय हुनेछ । जीवनशैलीमा सुधार हुनुको साथै समयको महत्व बुझ्दा अगाडी बढ्न सहज हुनेछ । दाजुभाई तथा छिमेकीसँग गरिने व्यवसाय फस्टाएर जाने हुनाले प्रशस्त नाफा कमाउन सकिनेछ भने अरुलाई प्रभावित पारेर सजिलै काम लिन सकिने छ । वादविवाद तथा प्रतिस्पर्धामा प्रतिस्पर्धीहरुलाई सजिलै हराएर अगाडि बढ्न सकिनेछ ।
मायाप्रेमका सम्बन्धहरु विवाहमा परिणत गर्ने सहमति जुट्नेछ । कलाकृर्तिसँग सम्बन्धित काम गरि नाम तथा दाम दुवै कमाउन सकिनेछ । तरपनि शनिको अन्त्य साढेसातीको प्रभाव महिना भरनै रहनेछ । धन सम्पति प्रयोग तथा परिचालन गर्दा वा सापटी दिदाँ ध्यान दिनुहोला ।
सवारीसाधन तथा भौतिक सम्पति प्रयोग गर्दा ख्याल गर्नुहोला । बोल्दा वा कुनै कुराको निर्णय गर्दा आफन्त तथा अग्रजको सल्ला लिनु राम्रो रहने छ । प्रशासन, शिक्षण, मेडिकल, केमिकल्स, उद्योग, भुउपग्रह, पत्रकारिता, होटल म्यानेज्मेन्ट, भाषा अनुवादक, कम्प्युटर सफ्टवेयर तथा हार्डवेयर तथा राज्यमा मन्त्री जस्ता पदमा रहि काम गर्नेहरुका लागि यो महिना राम्रो रहेको छ ।
मकर ( भो,जा,जी,जू,जे,जो,ख,खी,खू,खे,खो,गा,गी) :- दोस्रो भावमा गोचर गरिरहेको सूर्यको प्रतिकुल प्रभावले आउने अवसरहरुलाई पहिचान गर्न नसक्दा उपलब्धि हातबाट फुत्किनेछ । धनसम्पति हराउने, लुटिने तथा स्थायी सम्पतिमा विवाद हुनसक्छ, ध्यान दिनुहोला ।
टाउको, आँखा तथा पेट तथा छात्ती सम्बन्धी समस्याले नसताउला भन्न सकिन्न । होटल तथा रेष्टुरेन्टको क्षेत्रमा मन्दी आउनेछ । त्यस्तै शनिको मध्य साढेसातीको प्रभाव महिना भरनै रहने छ । आफन्त तथा कुटुम्बसँग सामान्य मनमुटाव सिर्जना नहोला भन्न सकिन्न । शरीरमा आलश्य तथा अल्छीपना बढेर जाने छ । राजनीति तथा समाजसेवामा जनताको आलोचना सुन्नु पर्नेछ । खानपान तथा बाहिरी वातावरणको ध्यान दिनुहोला । नशा, प्यारालाईसिस, ग्याष्ट्रिक तथा दीर्घरोगीहरुले बिशेष ख्याल गर्नुहोला ।
तरपनि बुध, शुक्र र मंगलको अनुकुल प्रभावले साहित्य लेखन तथा संगीतको क्षेत्रमा निखारता आउने तथा बिशेष उपलब्धि हासिल हुनेछ । न्यायिक क्षेत्रमा काम गर्ने न्यायाधिश, अधिवक्ता तथा नोकरीमा प्रतिस्पर्धा गर्नेहरुका लागि समय फलदायी रहनेछ । भौतिक वस्तु तथा सवारी साधनको कारोबार फस्टाएर जानेछ । राशीमा गोचर गर्ने बृहस्पतिको अनुकुल प्रभावले उत्पादनमूखी, औषधीजन्य तथा शैक्षिक क्षेत्रको व्यापार व्यवसाय फस्टाएर जानेछ ।
परराष्ट्र तथा कुटनीतिको क्षेत्रमा काम गर्नेहरुका लागि समयले साथ दिनेछ । विदेशी लगानीबाट सञ्चालित संस्थामा काम पाउने गतिलो सम्भावना रहेको छ । धार्मिक तथा शैक्षिक यात्राको गतिलो योग रहेको छ भने विदेशमा बसेर पेशा व्यवसाय गर्नेहरुका लागि समय उत्तम रहेको छ । मायाप्रेममा मनमुटाव सिर्जना भएपनि अन्तत एकअर्काको भावना बुझेर सम्बन्धलाई सुधार गर्दै लैजान सकिनेछ ।
मार्केटिङ, बीमा, एकाउन्ट, बैंक तथा बित्तीय संस्था जस्ता क्षेत्रमा काम गर्नेहरुले सफलता प्राप्त गर्नेछन् । डाईरेक्टर, संचालक, म्यानेजर, अध्यक्ष, न्यायाधिश, ईन्जिनियर, ब्यवस्थापक,वा चीफ एक्जिक्युटिभ अफिसर जस्ता पदमा रही काम गर्नेहरुका लागि यो महिना केही शुभ रहनेछ ।
कुम्भ (गू,गे,गो,सा,सी,सू,से,सो,दा ):- यो महिना व्यापार व्यवसायमा मन्दी आउनाले खल्ती रित्तिनेछ । आफन्त तथा अग्रजहरुसँग सानो सानो बिषयमा विवाद सिर्जना हुने योग रहेको छ । कामहरु समयमा सम्पन्न नहुने तथा गल्ती गर्नाले दण्ड तथा जरिवाना तिर्नुपर्ने हुनसक्छ, ध्यान दिनुहोला ।
शनिको आधा शाढेसतीको प्रभाव महिनाभर नै रहने हुनाले स्वास्थ्यमा बिशेष गरी उच्च रक्तचाप, टाउको दुखाई, छात्ती, आँखा तथा मौसमी रोगले सताउने तथा मेडिकल खर्च बढेर जाने योग रहेको छ । शरीरमा आलश्य तथा अल्छीपना बढेर जानेछ । खानपान तथा बाहिरी वातावरणको ध्यान दिनुहोला । विदेश जानेका लागि प्रोसेसिङ वा गलत व्यक्तिको चंगुलमा परिनेछ । पेट सम्बन्धी समस्या नआउला भन्न सकिन्न । आम्दानी र खर्चको अनुपात मिलाउन नसक्दा दैनिकी प्रभावित हुनेछ ।
तरपनि अन्य ग्रहको अनुकुल प्रभावले परराष्ट्र तथा कुटनीतिको क्षेत्रमा काम गर्नेहरुका लागि समयले साथ दिनेछ । राजनीति तथा समाजसेवामा जनताको गतिलो समर्थन पाईने हुनाले पद प्राप्तिको योग रहेको छ । धार्मिक तथा शैक्षिक यात्राको गतिलो योग रहेको छ भने विदेशमा बसेर पेशा व्यवसाय गर्नेहरुका लागि समय उत्तम रहेको छ ।
औषधी, निर्माण सामग्री र दैनिक उपभोग्य वस्तुको कारोबारमा बृद्धि हुनेछ । यो महिना सञ्चार, कम्प्युटर, विज्ञान तथा प्रविधि, रिसर्च, प्राविधिक काममा समय लगानी गर्नेहरुका लागि समय उत्तम रहनेछ । लेखन, साहित्य, कला, दर्शन, धर्म प्रचार, अन्तरिक्ष विज्ञान, भुउपग्रह, भौतिक विज्ञान, मिडिया तथा राजनीतिमा समय व्यतित गर्नेहरुका लागि पनि समय उत्तम रहेको छ ।
मीन (दी,दू,थ,झ,ञ,दे,दो,चा,ची):- यो महिना व्यापार व्यवसायमा मन्दी आउनाले खल्ती रित्तिनेछ । आफन्त तथा अग्रजहरुसँग सानो सानो बिषयमा विवाद सिर्जना हुने योग रहेको छ । कामहरु समयमा सम्पन्न नहुने तथा गल्ती गर्नाले दण्ड तथा जरिवाना तिर्नुपर्ने हुनसक्छ, ध्यान दिनुहोला । बुवा वा अग्रजको सल्लाह र सुझावलाई वेवास्ता गर्दा दुःख पाईनेछ । स्वास्थ्यमा समस्या आई अस्पताल धाउनु पर्ने बाध्यता आईपर्नेछ ।
तरपनि अन्य ग्रहको अनुकुल प्रभावले परराष्ट्र तथा कुटनीतिको क्षेत्रमा काम गर्नेहरुका लागि समयले साथ दिनेछ । राजनीति तथा समाजसेवामा जनताको गतिलो समर्थन पाईने हुनाले पद प्राप्तिको योग रहेको छ । धार्मिक तथा शैक्षिक यात्राको गतिलो योग रहेको छ भने विदेशमा बसेर पेशा व्यवसाय गर्नेहरुका लागि समय उत्तम रहेको छ । महिनाभर नै लाभभावमा गोचर गर्ने शनि र बृहस्पतिको अनुकुल प्रभावले औषधि, निर्माण सामग्री , हार्डवयेर, अटो पार्टस् र दैनिक उपभोग्य वस्तुको कारोबारमा बृद्धि हुनेछ ।
प्राकृतिक स्रोतसाधनको प्रयोग गरि मनग्गे लाभ लिन सकिनेछ । न्यायिक क्षेत्रमा काम गर्ने न्यायाधिश, वकिल तथा विद्यार्थीहरुका लागि समय फलदायी रहनेछ । लेखन, साहित्य, कविता, कला तथा साहित्य, मनोरञ्जन, हाँस्यबिधा, अध्ययन अध्यापन, योग ध्यान, अध्यात्म जस्ता क्षेत्रमा काम गरी नाम कमाउने समय रहेको छ । तपाईको महिना दिन शुभ रहोस् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपकस्ताे छ २०७९ साल जेठ महिनाको तपाईको राशीफल ?
जेठ १, २०७९ आइतबार
कस्ताे छ, तपाईकाे २०७८ साल भदौ महीनाको राशीफल ?
भदौ १, २०७८ मंगलबार
तपाईको २०७८ साल साउन महीनाको राशीफल
साउन १, २०७८ शुक्रबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
क्रिकेटर सन्दीप लामिछानेको मुद्दामा भोलि सुनुवाइ हुने
जेठ १, २०८१ मंगलबार
कतारले भन्यो -'इजराइलको रफाह आक्रमणले हमास वार्तालाई ‘पछाडि’ धकेल्यो '
जेठ १, २०८१ मंगलबार
प्रदेश सरकारको आगामी विनियोजन विधेयकका सिद्धान्त र प्राथमिकता स्वीकृत
जेठ १, २०८१ मंगलबार
सरकारको भनाइ एकातिर छ, गराइ अर्काेतिर : कांग्रेस
जेठ १, २०८१ मंगलबार
नेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार