मंगलबार , फागुण २५, २०७७

हिउँ पग्लिन नपाउँदै मनाङका जङ्गलमा आगलागी

हिउँ पग्लिन नपाउँदै मनाङका जङ्गलमा आगलागी

२ फागुन, मनाङ । हिउँ पग्लिन नपाउँदै मनाङका जङ्गलमा आगलागी भएको छ । मनाङ ङिस्याङ गाउँपालिका–२ घ्यारुस्थित मुखुङ सामुदायिक वनमा भएको आगलागी अझै निभेको छैन । माघ २९ गतेदेखि लागेको आगो ननिभ्दा स्थानीयवासी चिन्तित भएका छन् ।

भिरालो वनमा आगो लागेकाले नियन्त्रण गर्न कठिन भएको सशस्त्र प्रहरी बलका प्रहरी नायब उपरीक्षक होमनाथ पन्थीले बताए । मानव बस्तीभन्दा दुई घण्टा टाढाको दूरीमा आगलागी भएको उनको भनाइ छ । आगलागीबाट कुनै मानवीय तथा पशुचौपायमा क्षति नपुगेको तथा स्थानीयवासी, नेपाल प्रहरी, सशस्त्र प्रहरी अनि नेपाली सेनाको संयुक्त टोलीले आगो निभाउने गरिरहेको छ ।

Kumari Bank 300x290 new
Global IME Bank new
Nepal Life Insurance

“हामीले हाम्रोतर्फबाट प्रयास गरिरहेका छौँ”, मनाङका प्रमुख जिल्ला अधिकारी विष्णुप्रसाद लामिछानेले भने । उनले अन्नपूर्ण संरक्षण क्षेत्रअन्तर्गका वन जलिरहँदा खोज अनुसन्धान्न प्रक्रियामा ढिलाइ गरेको आरोपसमेत लगाए ।

मनाङमा भएका आगलागीमा अन्नपूर्ण संरक्षण क्षेत्रअन्तर्गतका वन परेको तथा यसको जिम्मेवारी एक्यापले लिनुपर्नेमा छिटो तथा तदारुकताका साथ नभएको स्थानीयवासीको आरोप छ ।

“जङ्गल जलिरहेको छ, हाम्रा कर्मचारी र स्थानीयवासी परिचालन भएका छन्, अनुसन्धानको दायरा कसिलो बनाएका छौँ, कसरी आगो लाग्यो भन्ने कुरा अझै पत्ता लगाउन सकेका छैनौँ”, अन्नपूर्ण संरक्षण क्षेत्रका मनाङ प्रमुख लेखनाथ गौतलमे भने । उनले स्थानीयवासीले मुख नखोल्दा आगलागीको कारण तथा व्यक्ति पत्ता लगाउन र अनुसन्धान गर्न कठिन भएको बताए ।

यसभन्दा अघि पनि दुई पटकसम्म मनाङको विभिन्न जङ्गलमा आगलागी भएको थियो । आगलागीको कारण अझैसम्म पत्ता लाग्न सकेको छैन । कसले र किन पटक–पटक मनाङका जङ्गलमा आगो लगाएको हो भन्नेबारे अन्योल भएको छ । यसरी बाराम्बार यस्ता गतिविधि दोहोरिरहँदा हिमाली जडीबुटी र लोपोन्मुख जनावरको विनाश भएको स्थानीयवासीको भनाइ छ ।

प्रतिक्रिया

सम्बन्धित समाचार

नेपालबहस ट्रेन्डिङ

लोकप्रिय

कहिले सुरु होला तीनकुने पुल निर्माण ? कहिले सुरु होला तीनकुने पुल निर्माण ? १२ घण्टा पहिले
आज साँझसम्म बङ्गलादेशबाट पहिलो लटको मल नेपाल आइपुग्ने आज साँझसम्म बङ्गलादेशबाट पहिलो लटको मल नेपाल आइपुग्ने १२ घण्टा पहिले
वारीबेनीकाे ७५० मिटर सडक कालोपत्रः स्थानीयवासी खुशी वारीबेनीकाे ७५० मिटर सडक कालोपत्रः स्थानीयवासी खुशी १९ घण्टा पहिले
पोखरामा पहिलो पटक मुआथाइको राष्ट्रिय प्रतियोगिता र सेमिनार हुने पोखरामा पहिलो पटक मुआथाइको राष्ट्रिय प्रतियोगिता र सेमिनार हुने ११ घण्टा पहिले
पोप फ्रान्सिसको इराक भ्रमण सम्पन्न पोप फ्रान्सिसको इराक भ्रमण सम्पन्न १२ घण्टा पहिले
नीति निर्माण तहमा महिलाको अर्थपूर्ण सहभागिता आवश्यक : नेतृ कोइराला नीति निर्माण तहमा महिलाको अर्थपूर्ण सहभागिता आवश्यक : नेतृ कोइराला १४ घण्टा पहिले
महिलालाई आर्थिक रुपमा पनि आत्मनिर्भर बनाउनुपर्नेमा नेतृ भुसालकाे जोड महिलालाई आर्थिक रुपमा पनि आत्मनिर्भर बनाउनुपर्नेमा नेतृ भुसालकाे जोड १३ घण्टा पहिले
सन्दर्भ: अन्तर्राष्ट्रिय नारी दिवस – नारी पुरुष सरोबरी, सँधैभरि बरोबरी ! सन्दर्भ: अन्तर्राष्ट्रिय नारी दिवस – नारी पुरुष सरोबरी, सँधैभरि बरोबरी ! ९ घण्टा पहिले