तीन वर्षमा प्रधानमन्त्री ओलीले चालेका कपटी खेल
कुसुम सेञ्चुरी
फागुन ३, २०७७ सोमबार २०:४८:४२
३ फागुन, काठमाडौं । प्रधानमन्त्री केपी ओलीले आजबाट आफ्नो दोस्रो कार्यकालको तीन वर्ष पूरा गरे । यस अवधिमा उनले गरेका कामको निष्पक्ष समीक्षा गर्दा केही आशा जगाए तर व्यवहारमा भने सबै निराशा मात्रै हात लागेको छ । आज ओलीले आफ्नो कार्यकाल स्वर्णयुग भएको दावीका साथ धेरै पुलिन्दाहरु प्रस्तुत गरेका छन् । साथै, उनले गर्न नसकेको दोष चाहिं आफ्नै पार्टीका विरोधी नेताहरुको थाप्लोमा हालेका छन् ।
पुष्पकमल दाहाल ‘प्रचण्ड’ र माधवकुमार नेपालले असहयोग गरेकाले आफूले चाहे अनुसार काम गर्न नपाएको उनको आरोप छ । साथै उनले उनीहरुकै असयोगका कारण आफूले प्रतिनिधिसभा विघटन गरेको स्पष्टीकरण दिएका छन् । कसैले विरोध नगरेको भए धेरै काम भइसक्ने उनको दाबी छ । तर व्यवहारमा भने ओलीले सधैं मनोगत र आत्मकेन्द्रित भएरै सबै काम गरेको देखिन्छ ।
ओलीको यस अवधिमा राम्रा काम औंलामा गन्न सकिएला तर नराम्रा काम भने जति भन्दापनि सकिनेवाला छैन । आफ्नो सत्ता जोगाउने एकमात्र उद्येश्य र चाहनाबाट ग्रस्त ओलीतन्त्रले देश र जनताका लागि खासै केही दिएन । खासगरी विभिन्न भ्रष्टाचारका काण्ड र विरोधीलाई तह लगाउन कानूनी प्रावधानको व्यवस्था गर्न गरिएका प्रयत्न अत्यासलाग्दा रहे ।
आफ्नो अभिष्ट पूरा गर्न उनलाई कतैबाट पनि अवरोध नहोस् भन्ने उनको चाहना पूरा गर्न जस्तो सुकै अपराध गर्न उनी चुकेनन् । ओलीको अपराध कर्मलाई बल पु¥याउने काम राष्ट्रपति विद्यादेवी भण्डारीबाट भएको छ । कार्यकारी प्रमुखले गल्ती गर्दा सुधार गर्ने ठाउँमा रहेकी राष्ट्रपति नै दूधको साक्षी बिरालो जस्तो बन्न पुग्दा धेरै समस्या थपिएका हुन् ।
तर ओली भने त्यो मान्न तयार छैनन् । उनले आजै पनि एउटा कार्यक्रमलाई संवोधन गर्दै भनेका छन्– पार्टी भित्रबाटै राष्ट्रपति र प्रधानमन्त्रीविरुद्ध छापामार शैलीमा पदच्यूत गर्ने दुस्साहस गरियो । प्रचण्ड र माधव मिलेर समानान्तर सत्ता चलाउने प्रयत्न भयो । त्यसैले प्रतिनिधिसभा नै विघटन गर्नुपरेको हो ।
उनको यो तर्कले औचित्यपूर्ण काम भएको मान्ने आधार देखिंदैन । पार्टी भित्रको असन्तुष्टि र विरोध व्यवस्थापन गर्न उनी चुकेकै हुन् । घर मिलाउन नसक्दा घरमै आगो लगाएको जस्तो व्यवहार ओलीले देखाए । उनीहरुको घर झगडाको शिकार प्रतिनिधिसभा बन्ने कुराको कुनै तुक छैन । त्यो पनि संविधानमा हुँदै नभएको अधिकार प्रयोग गरेर प्रतिनिधिसभा विघटन गर्नु कुनै पनि अर्थमा औचित्यपूर्ण मान्न सकिन्न ।
प्रतिनिधिसभा विघटन नगर्न आफूले धेरै नै प्रयास गरेको तर समानान्तर सत्ता नै सञ्चालन गर्न थालिएकाले बाध्य भएर मात्रै विघटन गरेको उनको तर्क छ । जबकी उनले कुन अधिकार प्रयोग गरेर त्यस्तो कदम चाले भन्ने चाहिं खुलाउन सकेका छैनन् । आफ्नो असंवैधानिक कदमको ढाकछोप गर्न जति नै प्रयत्न गरेपनि ओलीले गरेको विघटन संविधानसम्मत भएको मान्नेको संख्या औंलामा गन्ने मात्रै छ ।
त्यो पनि प्रतिगमनका पक्षधर देखिने कानून व्यावसायी मात्रै । विघटनबारे सर्वाेच्च अदालतमा मुद्धा विचाराधिन छ । त्यहाँ बहस गर्ने अधिकांश कानून व्यवसायीले ओलीको कदम ठीक भन्न सकेका छैनन् । त्यसैले ओलीले आफ्नाे कदमको जस्टिफाई गर्न जति नै प्रयास गरेपनि त्यसको पुष्टि गर्ने आधार भने तयार गर्न सकेका छैनन् ।
यसरी हेर्दा ओलीको कार्यकाल आर्थिक सामाजिक र कानूनी दृष्टिले समेत त्रुटिपूर्ण छ । जनतालाई हावादारी गफ गरेर बेवकूफ बनाउने उनको हरेक दाउ अहिले आएर उत्तानो परेको छ । ओलीको कार्यशैली र व्यवहारले मुलुक फेरि अँध्यारो सुरुङमा प्रवेश गरेको छ, त्यसलाई समयमै रोकिएन भने कस्तो दुघर्टना हुने हो भन्न सकिन्न ।
कुसुम सेञ्चुरी
नेपालबहस डटकमकी समाचार सम्पादक/ समाचार प्रमुख कुसुम सेञ्चुरी राजनीति तथा समसामयिक विषयवस्तुमा कलम चलाउँछिन् । फुलवारी एफएमदेखि रेडियो पत्रकारिता शूरु गरेकी कुसुमले रासस, रेडियो अन्नपूर्ण र देशान्तर एफएममा पनि काम गरेकी छन् । केही समय उनले नाइस टीभीमा समाचार प्रस्तोताको रुपमा पनि कुशलतापूर्वक जिम्मेवारी निभाएकी छन् ।
लेखकबाट थपयस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आखिर कहाँबाट भयो ब्रह्माण्डको उत्पत्ति ? जहाँ केही पनि छैन, त्यहीँ सबथोक छ
बैशाख ३१, २०८१ सोमबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
सगरमाथा आरोहणका क्रममा दुई मङ्गोलियन नागरिक सम्पर्कविहीन, खोजी कार्य जारी
जेठ १, २०८१ मंगलबार
नदीहरूमा जलमार्ग बनाएर पानीजहाज चलाइने, कोरिडोर निर्माणमा विशेष ध्यान दिने
जेठ १, २०८१ मंगलबार
हुम्लाका तीन बस्ती अन्धकारमा बस्न बाध्य
जेठ १, २०८१ मंगलबार
हेल्मेट डाँडालाई पर्यटकीय गन्तव्य बनाइँदै
जेठ १, २०८१ मंगलबार
विदेशी लगानी भित्र्याउन तीन वर्षदेखि रोकिएको कन्ट्री रेटिङको काम अघि बढाइने
जेठ १, २०८१ मंगलबार