छुट्टाछुट्टै स्थानमा सवारी दुर्घटना हुँदा ८ जनाको मृत्यु, चालक नियन्त्रणमा
नेपालबहस संवाददाता
फागुन ६, २०७७ बिहिबार १८:४८:३४
६ फागुन, काठमाडौं । गुल्मी, महोत्तरी, कैलाली, सिरहा र सुनसरीका छुट्टाछुट्टै स्थानमा भएका सवारी दुर्घटनामा परी ८ जनाको मृत्यु भएको छ । गुल्मी, रेसुङगा नगरपालिका-१४ ठुलापँधेरास्थित सडकमा लु.१ ज १९८८ नम्बरको जीप सडकबाट करिब ६ सय मिटर तल खसेर बुधबार साँझ दुर्घटना हुँदा ३ जनाको मृत्यु भएको छ ।
मृत्यु हुनेहरुमा जिपमा सवार सोही ठाउँ बस्ने बस्ने ४७ वर्षीय एकराज पोख्रेल, २८ वर्षीया शान्ती नेपाली र २७ वर्षीया गोमा नेपाली रहेका छन् । एकराजक घटनास्थलमै तथा शान्ती र गोमाको जिल्ला अस्पतालमा उपचारको क्रममा मृत्यु भएको हो । दुर्घटनामा घाइते भएका चालक समेत ८ जनामध्ये ४ जनालाई जिल्ला अस्पताल हुँदै थप उपचारका लागि पाल्पा रिफर गरिएको छ भने अन्य ४ जनाको जिल्ला अस्पतालमा उपचार भइरहेको छ ।
महोत्तरी, बलबा नगरपालिका-८ स्थित सडकमा अनटेष्ट लेखिएको ट्याक्टरको ठक्करबाट सोही ठाउँ बस्ने कैलाश यादवको ७ वर्षीय छोरा शिबम यादबको बुधाबर दिउँसो मृत्यु भएको छ । ठक्करबाट गम्भीर घाइते भएका उनको प्रादेशिक अस्पताल जनकपुरमा उपचारको क्रममा मृत्यु भएको हो । सोही नगरपालिका-७ स्थित कारिकबाबा बोर्डिङ्ग स्कुल बनौटामा सरस्वति पूजामा बनाएको सरस्वती मूर्ति सेलाउनको लागि गाउँमा घुमाईरहेको अवस्थामा उक्त ट्याक्टरले ठक्कर दिँदा उनको मृत्यु भएको हो । हाल फरार ट्याक्टर चालकको प्रहरीले खोजी गरिरहेको छ ।
दुर्घटनामा गम्भीर घाइते भएका सुरजको बिराट नर्सिङहोममा उपचारको क्रममा मृत्यु भएको हो । दुर्घटनामा घाइते भएका अन्य २ जनाको सोही अस्पतालमा उपचार भइरहेको छ । दुवै सवारी साधन र पिकअप चालकलाई प्रहरीले नियन्त्रणमा लिएको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
कैलाली, लम्कीचुहा नगरपालिका-१० स्थित सडकमा ना.५ ख ८४०६ नम्बरको ट्रकले अनटेष्ट लेखिएको मोटरसाइकललाई बुधबार दिउँसो ठक्कर दिँदा २ जनाको मृत्यु भएको छ । मृत्यु हुनेहरुमा मोटरसाइकल चालक लम्कीचुहा नगरपालिका-४ बस्ने २४ वर्षीय दिनेश चौधरी र मोटरसाइकलमा सवार जानकी गाउँपालिका-१ बस्ने १८ वर्षीया सन्ध्या चौधरी रहेका छन् । दुर्घटनामा गम्भीर घाइते भएका दिनेशको स्थानीय लालरत्न अस्पतालमा र सन्ध्याको मेडिकल कलेज कोहल्पुरमा उपचारको क्रममा मृत्यु भएको हो । ट्रक चालकलाई प्रहरीले नियन्त्रणमा लिएको छ ।
सिरहा, लहान नगरपालिका-३ बलानस्थित सडकमा प्र.१-०२-००१ ख ८५१४ नम्बरको टिपरले स.११ प ४८२७ नम्बरको मोटरसाइकललाई बुधबार साँझ ठक्कर दिँदा मोटरसाइकल चालक सप्तरी खडक नगरपालिका-८ खेस्राहा बस्ने २३ वर्षीय मो।जाहिरको मृत्यु भएको छ । दुर्घटनामा गम्भीर घाइते भएका उनलाई उपचारका लागि लहान अस्पतालतर्फ लैजाने क्रममा बाटोमै मृत्यु भएको हो । टिपर चालकलाई प्रहरीले नियन्त्रणमा लिएको छ ।
सुनसरी, रामधुनी नगरपालिका-२ धर्मकाटास्थित सडकमा को २।च ३३१२ नम्बरको पिकअप र को.३१ प ३१४७ नम्बरको मोटरसाइकल एक-आपसमा ठक्कर खाई बुधबार राति दुर्घटना हुँदा मोटरसाइकल चालक सोही नगरपालिका-३ बस्ने २२ वर्षीय सुरज चौधरीको मृत्यु भएको छ ।
दुर्घटनामा गम्भीर घाइते भएका सुरजको बिराट नर्सिङहोममा उपचारको क्रममा मृत्यु भएको हो । दुर्घटनामा घाइते भएका अन्य २ जनाको सोही अस्पतालमा उपचार भइरहेको छ । दुवै सवारी साधन र पिकअप चालकलाई प्रहरीले नियन्त्रणमा लिएको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपधरौटी बुझाएर छुटेका पुन फेरी सीआईबीको नियन्त्रणमा
बैशाख १४, २०८१ शुक्रबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
गृह मन्त्रालयद्वारा ६ जना एसएसपीको सरुवा, काठमाडौंमा रजौरे र अपराध महाशाखामा भट्टराई
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
आइपिएलमा आज दुई खेल हुँदै
बैशाख १५, २०८१ शनिबार
आइपिएलमा कोलकोतामाथि पञ्जाबको कीर्तिमानी जित
बैशाख १५, २०८१ शनिबार
इलाम-२ र बझाङमा मतदान शुरु
बैशाख १५, २०८१ शनिबार
आजको मौसम : हावाहुरी र चट्याङसहित वर्षाको सम्भावना
बैशाख १५, २०८१ शनिबार
दैनिक भिन्डीको पानी पिउदा अचम्मका फाइदाहरु
बैशाख १५, २०८१ शनिबार
नेपाल र वेस्ट इन्डिज ‘ए’ बीचको टि–ट्वान्टी शृङखला आजदेखि सुरु
बैशाख १५, २०८१ शनिबार