ब्राजिलमा अर्को एक भयानक रोगको खतरा, वैज्ञानिकहरु चिन्तित !
नेपालबहस संवाददाता
फागुन ११, २०७७ मंगलबार १३:३३:३७
११ फागुन, एजेन्सी । कोरोना भाइरस संक्रमणको महामारीका कारण विश्वमै सबैभन्दा धेरै मृत्यु भएको मुलुक अमेरिका हो । यसपछि दोस्रो अवस्थामा आउँछ, ब्राजिल । दक्षिण अमेरिकी मुलुक ब्राजिलमा कोरोना संक्रमणको खतरा मात्रै हैन, यहाँ अर्को एक भयानक रोगको पनि खतरा कायमै छ । त्यो हो, एल्लो फिभर अर्थात जण्डिस ।
ब्राजिलमा हरेक बर्ष दुई लाख मानिसहरु जण्डिसबाट विरामी हुन्छन । ती मध्ये ३० हजार मानिसको मृत्यु हुनेगर्छ । यस्तो अवस्थामा कोरोना संक्रमणको महामारीकैबीच जण्डिसको प्रकोप फैलिने प्रवल सम्भावनाले वैज्ञानिकहरुलाई चिन्तित बनाएको छ । जण्डिस मानिसहरुमा बाँदरबाट सर्छ । यो रोगलाई फैलाउने मुख्य माध्यम हो, लामखुट्टे । अर्थात जण्डिस संक्रमित बाँदरलाई टोकेको लामखुट्टेले मानिसलाई टोकेपछि सर्छ ।
जण्डिस रोगले शुरुमा कडा ज्वरो आउँछ । अधिक टाउको दुख्छ । केही मानिसमा रोगको अवस्था हेपाटाटिसमा पनि परिणत हुन्छ । अत्याधिक गंभीर अवस्थामा विरामीको शरीर भित्र रक्तश्राव हुन्छ र कलेजो फेल हुन्छ । त्यसपछि मृत्यु निश्चित हुन्छ । यही कारण ब्राजिलमा हरेक बर्ष जण्डिसविरुद्धको खोप लगाइन्छ । यदी यसो गरिएन भने जण्डिस रोगले कोरोना महामारीको भन्दा उग्र रुप लिने विशेषज्ञहरुले बताउँदै आएका छन । अर्थात जण्डिसविरुद्धको खोप नलगाउने हो भने एक बर्षमै कुल जनसंख्याको १५ प्रतिशत मानिसको मृत्यु हुने निश्चित छ ।
यही विकराल अवस्थालाई मध्यनजर गर्दै अहिले ब्राजिल र विश्वभरका वैज्ञानिकहरु जण्डिसको सम्भावित महामारीलाई रोक्ने प्रयत्नमा जुटिरहेका छन । सन २०१६ मा जण्डिसको अधिक केस देखिएको थियो । त्यसबेला ४ करोड ब्रजिलियन नागरिकहरुमा जण्डिस संक्रमणको खतरा देखिएको थियो । त्यसबेला यसविरुद्धको खोप थिएन ।
सन २०१७ मा ब्राजिल भरि नै जण्डिस रोग फैलियो । विगत ८० बर्षको अवधिमा यो भयानक महामारीको अवस्था थियो । त्यसबेला ३ हजार मानिसहरु जण्डिस रोगबाट संक्रमित भएका थिए । ती मध्ये ४ सय जनाको एकै महिना मृत्यु भएको थियो ।
स्टेट युनिभर्सिटी अफ नर्दन रियो डि जेनेरियोका कजरभेसन बायोलोजिस्ट कार्लोस रेमोन रुइज मिराण्डले बताए अनुसार यदी बाँदरहरुको संख्या धेरै छ र उनीहरु अधिक संख्याको समुहमा बस्छन भने जण्डिस संक्रमणको सम्भावना कैयौं गुणा बढी हुन्छ । यो रोगको संक्रमण धेरैजसो गोल्डेन लायन टेमेरियन प्रजातिका सुनौलो रंगका बाँदरहरुलाई हुनेगर्छ । तिनै बाँदरलाई टोकेको लामखुट्टेले मानिसलाई टोकेपछि एल्लो फिभर अर्थात जण्डिस रोग फैलिन्छ ।
वैज्ञानिकहरु यो रोगको संक्रमण रोक्नका लागि रियो डि जेनेरियोदेखि ८० किलोमिटरको दुरीमा रहेको जंगलमा गोल्डेन लायन टेमेरियन बाँदरहरुको खोजी गरिरहेका छन । उनीहरुको एउटै उद्देश्य हो, बाँदरहरुलाई खोप लगाउने । डा। कार्लोस रेमोनले बताए अनुसार अहिले जण्डिसविरुद्धको शक्तिशाली खोप उपलब्ध छ ।
सन २०१८ मा ब्राजिलका स्वास्थ्य मन्त्रीले ८ करोड जनसंख्या मध्ये २ करोड १० लाख मानिसहरुलाई जण्डिसविरुद्धको खोप लगाउन आदेश दिएका थिए । प्रायजसो क्षेत्रमा ९५ प्रतिशत नागरिकहरुलाई खोप लगाइएको थियो । यद्यपी जण्डिस रोग संक्रमणको दरमा कमी आएन । अहिले पनि ब्राजिलका ५० प्रतिशत मानिसहरुमा यो रोगको संक्रमण कायमै छ ।
विश्वमा ७८० करोड मानिसहरुको बसोबास रहेको छ । जबकी गोल्डेन लायन टेमेरियन बाँदरको संख्या २ हजार ५ सय मात्रै छ । यती हुँदाहुँदै पनि यी बाँदरहरु जण्डिस संक्रमण महामारीको मुख्य कारण मानिएका छन । यही वास्तविकताका कारण ब्राजिल सरकारले गोल्डेन लायन टेमेरियन बाँदरहरुलाई खोजी खोजी जण्डिसविरुद्धको खोप दिइरहेको बिबिसीले जनाएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपरुसले युक्रेनमा आक्रमण बढाउँदा ५,७०० लाई सुरक्षित स्थानमा सारियो
जेठ १, २०८१ मंगलबार
यमनमा हैजाको प्रकोप बढ्दै गएको राष्ट्रसंघको चेतावनी
जेठ १, २०८१ मंगलबार
अफगानिस्तानमा चालीस हजार बालबालिका घरबारविहीन
जेठ १, २०८१ मंगलबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
वर्षासँगै काठमाडौंको प्रदूषण कम हुँदै, ५० औँ स्थानमा सूचीकृत
नेपालबहस संवाददाता
बैशाख ३०, २०८१ आइतबार
आज सुनको मूल्य घट्यो, कतिमा हुँदै छ कारोबार ?
जेठ १, २०८१ मंगलबार
दैनिक सूर्य नमस्कार गर्दा यी १० समस्याबाट छुटकारा मिल्छ
जेठ १, २०८१ मंगलबार
सरकारको भनाइ एकातिर छ, गराइ अर्काेतिर : कांग्रेस
जेठ १, २०८१ मंगलबार
नेपालमा लगानी गर्न पोल्याण्डलाई चेम्बर अफ कमर्सको आग्रह
जेठ १, २०८१ मंगलबार
राष्ट्रियसभाको बैठक कार्यसूचीमा प्रवेश नगरी स्थगित
जेठ १, २०८१ मंगलबार
कांग्रेसको अवरोधपछि प्रतिनिधिसभाको बैठक स्थगित
जेठ १, २०८१ मंगलबार