कोठाको ताला फुटाई विभिन्न धनमाल चोरी

१२ फागुन, काठमाडौं । घरमा कोही नभएको समयामा दिउँसोको समयामा कोठाको ताला फुटाई विभिन्न धनमाल चोरी भएको प्रहरीले जनाएको छ ।  तार्केश्वर नगरपालिका-१० मनमैजु ठूलोईनार नजिक डेरा गरी बस्ने ४५ वर्षीया रमिता बुढामगरको कोठाबाट ताला फोडी नगद २ लाख रुपैयाँ तथा सुनका बिभिन्न गहना समेत गरी करिब ४ लाख ६७ हजार रुपैयाँ बराबरको धनमाल मंगलबार दिउँसो चोरी भएको हो।

यस्तै ललितपुर, ललितपुर महानगरपालिका-२ सानेपा डेरा गरी बस्ने भक्तपुर, भक्तपुर नगरपालिका-६ घर भएका ३९ वर्षीया बिना नापितको कोठाबाट ताला फोडी करिब १२ लाख २३ हजार रुपैयाँ बराबरको सुनका विभिन्न गहना मंगलबार दिउँसो चोरी भएको छ ।

चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा स्थानीय प्रहरीले आवश्यक अनुसन्धान गरिरहेको छ ।