देउवा तानातानमा, प्रधानमन्त्री बन्न भने नैतिक संकट !
नेपालबहस संवाददाता
फागुन १३, २०७७ बिहिबार २०:६:४३
१३ फागुन, काठमाडौं । २०७४ साल फागुन ३ गते दोस्रोपटक प्रधानमन्त्रीका रुपमा शपथ गरेलगत्तै नेकपा एमाले अध्यक्ष केपी ओलीले भनेका थिए–अब यो देशमा कांग्रेस युगको अन्त्य भएको छ । नेपालको राजनीतिक इतिहासमा शेरबहादुर देउवा नै कांग्रेसका तर्फबाट अन्तिम प्रधानमन्त्री रहने छन् ।
तर राजनीतिमा असम्भव भनेको केही पनि नहुँदो रहेछ । आज उनै ओली भन्दैछन्– देउवालाई प्रधानमन्त्री बनाउन मेरो कुनै असहमति रहने छैन । उल्टो उनैले देउवालाई फोन गरेर प्रधानमन्त्रीका रुपमा जिम्मेवारी सम्हाल्न तयार रहनू भन्ने सन्देश दिएका छन् । राजनीतिले यस्तो स्वरुप ग्रहण गर्ला भन्ने कसैलाई लागेकाे थिएन । झण्डै दुईतिहाईको समर्थन प्राप्त ओली सरकारले प्रतिनिधिसभा विघटन गर्ला, सर्वाेच्च अदालतले बदर गर्ला र देउवा फेरि प्रधानमन्त्री हुने वातावरण बन्ला भनेर सायदै कसैले सोचेका थिए । तर राजनीतिक वातावरण त्यही दिशामा अग्रसर भएको छ ।
ओलीले मात्र होइन, ओलीका जानी दुश्मन मानिएका पुष्पकमल दाहाल ‘प्रचण्ड’ र माधवकुमार नेपाल हल बाँधेरै हिजो देउवा निवास पुगेर त्यस्तै प्रस्ताव दिए । अर्थात, देउवाको दुबै हातमा अहिले लड्डु आइपरेको छ । दाहिनेले खाएपनि लड्डु, बायाँले खाँदापनि उही स्वाद , मिठास ।
कुनैबेला देउवाले ज्यातिषीले आफूलाई सातपटक प्रधानमन्त्री हुने योग रहेको चर्चा खूबै चल्ने गथ्र्याे । मानिस हँसी मजाक गर्थे, देउवालाई उडाउँथे । तर नभन्दै परिस्थिति त्यस्तै बनेको छ । अदालतले संसद पुनस्थापना गरेपछि ढिलो चाँडो सरकार फेरिने अवस्था छ । सरकार फेर्न अरु लागेका छैनन्, नेकपाकै दुबै गुट कस्सिएका छन् । उनीहरु एक्लो त्यो सामथ्र्य राख्दैनन्, त्यसैले कांग्रेस वा जसपासँग ज्युहजुरी गर्दैछन् । देउवा सबैका लागि आश गर्ने पात्र बनेका छन् । कांग्रेसले साथ नदिंदा न त ओली सरकार गिर्छ, न अर्काे सरकार बन्छ । त्यसैले देउवाका लागि यो ठूलै अवसरका रुपमा आइलागेको छ ।
उता, देउवाको अभिष्ट भनेको आउने महाधिवेशनबाट सभापति दोह¥याउने पनि हो । अहिले प्रधानमन्त्री बन्न पाउँदा सभापतिको लागि सहज वातावरण बन्न सक्छ । त्यसैले देउवालाई रोक्न कांग्रेस भित्रकै असन्तुष्ट पक्ष लागिपरेको छ । वरिष्ठ नेता रामचन्द्र पौडेल, कृष्णप्रसाद सिटौला वा डा.शशांक र डा. शेखर कोइरालाहरु देउवाले नैतिक रुपले पनि अब प्रधानमन्त्री बन्न नमिल्ने तर्क गरिरहेका छन् ।
देउवाले प्रतिनिधिसभा विघटनविरुद्ध आन्दोलन गर्न रुचि नदेखाएको र प्रतिगमनकारी शक्तिका रुपमा रहको ओली सरकारलाई नै सघाएको आरोप उनीहरुको छ । त्यसैले अहिले सरकार बनाउने अवसर आयो भने लोभ गर्न नमिल्ने तर्क गरेका छन् ।
यद्यपि यसबारे अझै अन्तिम फैसला भएको छैन । आज बस्ने पदाधिकारी बैठकले यसबारे एउटा धारणा बनाउला नै । साथै, विकसित राजनीतिक परिघटनालाई आफू अनुकूल बनाउने रणनीति तयार गर्न समेत कार्यसमिति बैठक राख्नुपर्ने स्थितिमा कांग्रेस आइपुगेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
सत्ता समीकरणः एमालेको साथ माओवादीलाई गलपासो, समाजवादी मोर्चाप्रति ओली संकिर्ण
बैशाख १३, २०८१ बिहिबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार