प्रचण्डसँग सूचना चुहाएको आरोपमा गृहमन्त्रीले स्वकीय अधिकृतलाई हटाए

१६ फागुन, काठमाडाैं । गृहमन्त्री रामबहादुर थापा ‘बादल’ले स्वकीय अधिकृत बीरु तामाङलाई हटाएका छन् । गृहमन्त्रीका प्रेस सल्लाहकार किरण भट्टराईका अनुसार तामाङलाई फागुन ३० गतेबाटै लागू हुने गरी हटाइएको छ ।

आफ्नो सचिवालयमा बसेर पुष्पकमल दाहाल ‘प्रचण्ड’सँग सूचना चुहाएको आरोप तामाङमाथि लगाइएको छ । संसद विघटन गर्ने प्रधानमन्त्री केपी ओलीको निर्णयसँगै नेकपा ओली र प्रचण्ड–माधव समूहमा विभाजित भएको थियो ।

त्यसक्रममा बादल ओली समूहतिर लागेका थिए । तर, तामाङले बादलसँग बसेर ओली समूहविरुद्ध भूमिका खेलेको आरोप लगाइएको छ ।