न्यायाधीशकी कान्छी श्रीमति रंगेहात पक्राउ, प्रहरीले फसाउन खोजेको आरोप

१६ फागुन, दाङ । न्यायाधीश कै श्रीमति लागुऔषध तस्करीमा पक्राउ परिन भन्दा सबैलाई अचम्म लाग्ला तर समाचार साँचो हो । ईलाका प्रहरी कार्यालय तुलसीपुर दाङले आज दिउँसो लागुऔषध ओसारपसारमा संलग्न रहेको बेला न्यायाधीशकी कान्छी श्रीमतिलाई रंगेहात पक्राउ गरेको प्रहरीले दावी गरेकाे छ ।

पक्राउ पर्नेमा तुलसीपुर उपमहानगरपालिका वडा नं. ५ निवासी तुलसा पोखरेल रहेको प्रहरी स्रोतले बताएको छ । उनले स्कुटरको डिक्कीमा लागुऔषध राखेर ओसारपसार गरिरहेको अबस्थामा पक्राउ गरिएको प्रहरीले बताएको छ ।

तुलसीपुर बजारस्थित घर अगाडि पार्किङ गरेर राखिएको पोखरेलको रा ५ प ७१४६ नम्बरको स्कुटरको डिक्की भित्र राखेको अवस्थामा २.२२ ग्राम ब्राउनसुगर बरामद भएको प्रहरीले दावी गरेकाे छ ।

ती महिला उच्च अदालत सुर्खेत जुम्ला इजलासका न्यायाधीश मदन पोखरेलकी कान्छी श्रीमती हुन् । पक्राउ परेकी तुलसा नेपाल कम्युनिष्ट पार्टी (नेकपा) ओली समूहकी जिल्ला कमिटी सदस्य पनि हुन् ।

तुलसाले आफुलाई प्रहरीले नियतबस फसाएको प्रतिक्रिया दिएकी छिन् । उनले आफ्नो पाकिङ गरिराखेको स्कुटरमा फेला परेको ब्राउन सुगरबारे आफुलाई  केही पनि थाहा नभएको बताएकी छन् । पोखरेललाई इप्रका तुलसीपुरको थुनुवा कक्षमा राखेर आवश्यक अनुसन्धान भइरहेको प्रहरीले जनाएको छ ।

यद्दपि प्रहरीले पाकिङ गरिराखेको स्कुटीमा नियाजित रुपमा ब्राउन सुगर राखेर फसाउन खोजेको आरोप लागेको छ । कतै ती महिला वा उनका न्यायाधीश श्रीमानसँग प्रहरी अधिकृतको पुरानो दुश्मनी त थिएन भन्ने प्रश्न पनि उब्जिएको छ ।