पत्रकार विकास श्रेष्ठ प्रहरी नियन्त्रणमा

१७ फागुन, काठमाडौं । अभियन्तालाई भेट्न गएका पत्रकार विकास श्रेष्ठलाई प्रहरीले पक्राउ गरेको छ । फ्रि प्रेस नेपालमा कार्यरत श्रेष्ठलाई सोह्रखुट्टे प्रहरीले आज बिहान पक्राउ गरेको हो ।

सडक विस्तारको विरोध गर्दा पक्राउ परेका नागरिक आन्दोलनका अभियन्ताहरुबारे रिपोर्टिङमा गएका पत्रकार श्रेष्ठलाई प्रहरीले पक्राउ गरेको जनाएको छ । प्रहरीले भने अनुमतिविना अभियन्ताहरुको फोटो खिचेकाले नियन्त्रणमा लिइएको जनाएको छ ।

बालाजु बाइपास क्षेत्रको सडक विस्तार अन्यायपूर्ण भएको भन्दै विरोधमा उत्रिएका ६ जनालाई यही फागुन १२ गते प्रहरीले पक्राउ गरेको थियो । उनीहरुलाई छुटाउन भन्दै प्रहरी कार्यालयमा पुगेका थप दुई जना ‘सुमन शाही र विरोचन श्रेष्ठ’लाई पनि प्रहरीले पक्रिएको थियो ।