ताप्लेजुङको दोभान बजारमा भीषण आगलागी हुँदा ५० घर जले

१८ फागुन, ताप्लेजुङ । ताप्लेजुङको दोस्रो ठूलो बजार दोभानमा भीषण आगलागी भएको छ । मेरिङदेन गाउँपालिका– ३ दोभान बजारमा आगलागीबाट ५० घर जलेका छन् ।

ती घरमा एक सय २० पसल थिए । ती सबै जलेर नष्ट भएका छन् । आगो केही निन्त्रणमा आए पनि बजारदेखि माथिको भीरमा समेत फैलिएको छ । आगलागी स्थानीय भोला पौडेलको घरबाट सुरु भएको हाे ।

आगो नियन्त्रणमा लिन स्थानीय बासिन्दा, नेपाल प्रहरी, सशस्त्र प्रहरी र सेनाको टोली खटिएको छ । दोभानमा करिब सय घर रहेका छन् । क्षतिको विवरण आइनसकेको प्रहरीले जनाएकाे छ ।