राष्ट्रिय सभागृहमा सुरक्षा व्यवस्था कडा

२१ फागुन, काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी र सरकारबीच सम्पन्न सहमतिमा शुक्रबार हस्ताक्षर हुँदैछ।
राष्ट्रिय सभागृहमा एक विशेष समारोहबीच विप्लव र प्रधानमन्त्री केपी ओलीले सहमतिमा हस्ताक्षर गर्दैछन्।

कार्यक्रमस्थल राष्ट्रिय सभागृहमा सुरक्षा व्यवस्था कडा पारिएको छ। कार्यक्रमस्थल सभागृहमा मानिसहरुको भीड पनि बढेको छ। आजै काठमाडौं आएका विप्लव प्रधानमन्त्री निवास बालुवाटार प्रवेश गरेका छन्।

यति बेला सभागृह वरिपरि सुरक्षा व्यवस्था कडा बनाइएको छ।  केहीबेरमा विप्लवसँगै प्रधानमन्त्री केपी शर्मा ओलीले सभागृहमा आयोजित कार्यक्रमलाई सम्बोधन गर्नेछन्।  कार्यक्रममा प्रधानमन्त्री ओली र विप्लवले विस्तृत सम्झौतामा हस्ताक्षर गर्ने कार्यक्रम छ।

बिहीबार बेलुका बसेको मन्त्रिपरिषदले विप्लव नेतृत्वको नेकपालाई लगाएको प्रतिबन्ध फुकुवा गरेको थियो।  विप्लव पूर्वी नवलपरासीबाट प्रहरी स्कर्टिङमा भर्खरै काठमाडौं आइपुगेका छन्।