सरकार र विप्लवबीच सहमति पत्रमा हस्ताक्षर

२१ फागुन, काठमाडौं । सरकार र नेकपा नेत्रविप्लव चन्द ‘विप्लव’ले सहमति पत्रमा हस्ताक्षर गरेका छन् । राष्ट्रिय सभागृहमा एक विशेष समारोहबीच  हिजो भएको सहमतिपत्रमा आज सरकारी वार्ता टोली र नेकपा विप्लव समूहका प्रतिनिधिहरुले विशेष समारोहबीच हस्ताक्षर गरेका हुन् ।

राजधानीको राष्ट्रियसभा गृहमा आयोजित सो कार्यक्रममा प्रधानमन्त्री केपी ओली र विप्लव समूहका महासचिव नेत्रविक्रम चन्द सहभागी छन् । उक्त कार्यक्रमलाई ओली र चन्दले समेत संवोधन गर्ने कार्यक्रम रहेको छ । यसैक्रममा विप्लवले आफ्ना भनाई राख्न थालेका छन् ।
।

बिहीबारको मन्त्रिपरिषद् बैठकले सरकारी वार्ता टोली र विप्लव समूहबीच भएको तीनबुँदे सहमति अनुमोदन गरेको थियो। विप्लव नेकपाले आफ्ना सम्पूर्ण राजनीतिक विषयको समाधान संवादका माध्यमबाट गर्ने, राजनीतिक गतिविधि शान्तिपूर्ण रुपमा सञ्चालन गर्ने र नेपाल सरकारका तर्फबाट लगाइएको नेपाल कम्युनिष्ट पार्टीमाथिको प्रतिबन्ध हटाउने, सम्पूर्ण बन्दीको रिहाइ र मुद्दा खारेजीसहितको सहमति भएको थियो।

सरकारी वार्ता टोलीमा गृहमन्त्री थापा र प्रधानमन्त्रीका परराष्ट्र सल्लाहकार भट्टराई तथा विप्लव नेकपाको टोलीमा खड्गबहादुर विश्वकर्मा र दीपक चलाउने थिए। हिंसात्मक गतिविधिमा संलग्न रहेको भन्दै सरकारले २०७५ को फागुन २८ मा विप्लव नेतृत्वको नेकपामाथि प्रतिबन्ध लगाएको थियो।

यस्ता छन् सहमति

१. दुबै पक्ष नेपाल सरकार र नेपाल कम्युनिष्ट पार्टी देशको राजनीतिक समस्या वार्ताबाट समाधान गर्न सहमत भएका छौँ ।

२.नेकपाले आफ्ना सबै गतिविधि शान्तिपूर्वक गर्ने सहमति ।

३. नेपाल सरकारले नेकपामाथि प्रतिबन्ध फुकाउ गर्ने, कारागारमा रहेकाहरुलाई छुट गर्ने र सबै आरोपहरु खारेज गर्ने ।