अझै सुरु भएन प्रतिनिधिसभा बैठक : ओली बाहिरिए

२३ फागुन, काठमाडौं । प्रतिनिधिसभा बैठक चार बजे शुरू हुने भनिए पनि याे समाचार तयार हुदाँसम्म पौने पाँच बजेसम्म पनि शुरू भएको छैन । प्रतिनिधिसभाकाे सातौँ अधिवेशनका लागि संवैधानिक व्यवस्था अनुसार सरकारको सिफारिसमा राष्ट्रपति विद्यादेवी भण्डारीले प्रतिनिधिसभाको पहिलो बैठक फागुन २३ गते आजै अपराह्न ४ बजेका लागि आह्वान गरेकी थिइन् ।

यसैबीच, प्रतिनिधिसभाको बैठकमा सहभागी हुन संसद भवन, वानेश्वर पुगेका प्रधानमन्त्री केपी ओली अहिले भवनबाट बाहिरिएका छन् ।अदालतको फैसलाले सत्तारुढ नेपाल कम्युनिस्ट पार्टी ‘नेकपा’ एकीकरण अघिको अवस्थामा पुगेको छ ।

सर्वोच्च अदालतले तत्कालीन नेपाल कम्युनिस्ट पार्टी ‘एमाले’ र नेपाल कम्युनिस्ट पार्टी ‘माओवादी केन्द्र’ को एकीकरणबाट बनेको नेपाल कम्युनिस्ट पार्टी ‘नेकपा’ राजनीतिक दलसम्बन्धी ऐन तथा नियम विपरीत दर्ता भएको ठहर गरेपछि यस्तो अवस्था उत्पन्न भएको हो ।

ओलीले बारिरिदै गर्दा सञ्चारर्मीहरूको जिज्ञासामा संक्षिप्त प्रतिक्रिया दिँदै आदलतको फैसला स्वागतयोग्य रहेको बताए । उनले अबको कदमबारे फैसलाको पूर्णपाठ हेरेर निर्णय गर्ने बताए ।