वामदेवले एकता अभियानलाई सशक्त ढंगले अघि बढाउने

२४ फागुन, काठमाडौं । वामदेव गौतम नेतृत्वको नेकपा एकता राष्ट्रिय अभियानले पार्टी एकता अभियानलाई सशक्त ढंगले अघि बढाउने निर्णय गरेको छ । गौतमनिवास भैँसेपाटीमा सोमबार बसेको पदाधिकारी बैठकले एकताको विकल्प नभएको निष्कर्ष निकालेको हो ।

बैठकले नेताहरूलाई हठ त्यागेर अघि बढ्न आग्रह गरेको अभियानमा सचिव बाबुराम थापाले जानकारी दिए । उनका अनुसार पूर्वएमाले एकीकृत भएपछि मात्रै अभियानका नेता तथा कार्यकर्ता सम्बन्धित कमिटीको बैठकमा सहभागी हुनेछन् ।

थापाले भने, पार्टी एकताको पहिलो चरण भनेको अब पूर्वएमालेको एकता हो ‘सबैभन्दा पहिला माधव नेपाल, झलनाथ खनाललगायतका नेताहरूसँग एकता हुनुपर्छ ।