नेपाल आफ्नो समूहसहित एमालेमै रहने

२५ फागुन, काठमाडौं । सर्वोच्च अदालतले नेकपा एमाले पुनःस्थापित गरिदिएपछि सोमबार साँझबाट माधव नेपाल आफ्नो समूहसहित एमालेमै रहने निर्णयमा पुगेका छन् । एमालेभित्र करिब ९० जना केन्द्रीय सदस्य रहेका नेपालका लागि ओलीसँग लडाइ लड्न सहज हुने देखिएको छ ।

पुनःस्थापित नेकपा एमालेको केन्द्रीय कमिटी र संसदीय दलको गणितले भने नेपाललाई माओवादी केन्द्रसँग जानुभन्दा एमालेमै बसेर आन्तरिक संघर्षमा जाँदा सहज हुने अवस्था आएको छ ।

जसका कारण आइतबार साँझ सर्वोच्च अदालतको फैसललाई पालाना गर्दै एमालेमै रहने भएका हुन् । आइतबार माधव कुमार नेपालले नेकपा९एमाले० आफुले बनाएको पार्टी भएकाले त्यसको माया ओलीलाई भन्दा बढी आफुलाई भएको बताएका छन् ।

नेकपा स्थायी कमिटी बैठकलाई सम्बोधन गर्दै उनले पार्टी एकता जोगाउने आफ्नो प्रयास सम्भव नभएको र अब आफैंले निर्माण गरेको एमालेलाई थप शसक्त बनाउने बताए । उनले आफु कहिल्यै फुटको पक्षधर नभएको र अन्तिमसम्म नेकपा एकताका लागि प्रयास गरेको धारणा पनि राखेका थिए ।