कप्तान मल्लले पूरा गरे अर्धशतक

२५ फागुन, काठमाडौं । काठमाडौंमा जारी काठमाडौं मेयर्स कपअन्तर्गत एपीएफ क्लबविरुद्ध बागमती प्रदेशका कप्तान ज्ञानेन्द्र मल्लले अर्धशतक बनाएका छन् । उनले ७४ बलमा सात चौकासहित अर्धशतक बनाएका हुन् ।

जारी प्रतियोगितामा मल्लको यो पहिलो अर्धशतक हो । त्रिवि क्रिकेट मैदानमा टस हारेर ब्याटिङको मौका पाएको बागमतीले ११ बजेसम्ममा २५ ओभरमा दुई विकेट गुमाएर ९८ रन बनाएको छ ।

जारी प्रतियोगितामा बागमतीले दुई खेलमा लगातार हारको सामना गर्दा एपीएफले भने दुवै खेलमा जित हासिल गरेको छ ।