रोड सेफ्टी टी–२० सिरिजः आज इंग्ल्याण्ड र भारत भिड्दै, यस्तो छ सम्भावित प्लेइङ–११

२५ फागुन, काठमाडौं । भारतमा जारी रोड सेफ्टी टी–२० वर्ल्ड सिरिजअन्तर्गत आज भारत लेजेन्ड्स र इंग्ल्याण्ड लेजेन्ड्स खेल्दैछन् ।

भारत र इंग्ल्याण्डबीचको खेल नेपाली समयअनुसार साँझ ७ः१५ बजेदेखि छत्तिसगढको रायपुरमा सुरु हुनेछ ।

जारी सिरिजमा भारतले तीन म्याच खेल्दा सबैमा जित हासिल गरेको छ । भारत १२ अंकका सात तालिकाको शीर्ष स्थानमा छ ।

त्यस्तै, इंग्ल्याण्ड लेजेन्ड्सले प्रतियोगितामा एक म्याच खेलेको छ । जसमा इंग्ल्याण्ड विजयी भएको थियो । इंग्ल्याण्ड चार अंकका साथ तालिकाको तेस्रो स्थानमा छ ।

जारी सिरिजमा भारतको टिममा सचिन तेन्दलुरकर र इंग्ल्याण्डको टोलीमा केविन पिटरसन कप्तान छन् । दुवै टिम यो सिरिजमा बलिया देखिएका छन् । आज यी दुई टिमबीचको म्याच रोमाञ्चक हुने अनुमान गरिएको छ ।

भारतको सम्भावित प्लेइङ–११ः सचिन तेन्दुलकर (कप्तान), वीरेन्द्र सहवाग, युवराज सिंह, मोहम्मद कैफ, युसुफ पठान, नमन ओझा (विकेटकीपर), इरफान पठान, मनप्रीत गोनी, विनय कुमार, प्रज्ञान ओझा र मुनाफ पटेल ।

इंग्ल्याण्डको सम्भावित प्लेइङ-११ः केविन पिटरसन (कप्तान), फिल मस्टर्ड (विकेटकीपर), डरेन म्याडी, क्रिस स्कोफिल्ड, गेविन ह्यामिल्टन, जेम्स ट्रेडवेल, क्रिस ट्रेलेलेट, कबीर अली, रायन साइडब्यान्टम, मोन्टी पनेसार र म्याथ्यू हगगार्ड ।