हुन्डाई दुई नयाँ मोडलका गाडी नेपालमा 

२५ फागुन, काठमाडौं । हुन्डाई गाडीको नेपालको लागि आधिकारीक विक्रेता लक्ष्मी इन्टरकन्टिनेन्टल प्रा. लि. ले बहुप्रतिक्षित गाडी हुन्डाई भेन्यू आईएमटी र  हुन्डाई भेन्यू 1.2 S+ सार्वजनिक गरेको छ ।

हुन्डाई भेन्यू आईएमटी र  हुन्डाई भेन्यू 1.2 S+२ भिन्न इन्जिन अप्सनमा उपलब्ध हुनेछन् — १.२ लिटर पेट्रोल इञ्जिन कप्पा डुअल VTVT टेक्नोलोजी जसको 83ps/6000rpm को सर्वाधिक पावर रहनेछ, तथा १.० टर्बो पेट्रोल इञ्जिन कप्पा डुअल VTVT टेक्नोलोजी जसको सर्वाधिक पावर 120ps/6000rpm को रहनेछ ।

बजारमा उपलब्ध अरु गाडीहरुको तुलनामा अघिल्लो बर्ष सार्वजनिक गरिएको हुन्डाई भेन्यूले बजारमा आफ्नो दह्रो उपस्थिति जनाएको छ । हुन्डाइ भेन्यू स्मार्ट शार्क फिन एन्टिना, turn signals भएका विद्युतले मिलाउन सकिने रिअर मिरर,  इलेक्ट्रीक सन रुफ, आकर्षक व्रmोमयुक्त फ्रन्ट ग्रील तथा स्पोर्टी रुफ रेलले सु—सज्जित छ ।

यसको R15 डायमण्ड कट एलोइ पाङ्ग्रा तथा रिअर क्यामेराको साथ हिल एसिष्ट कन्ट्रोलले नौलो र उत्साहजनक सवारी अनुभव दिनेछ । हुन्डाई भेन्यू 1.2 S+मा बत्तीहरुको जडान सुन्दर तथा आधुनिक रुपमा गरिएको छ, जस अन्तर्गत कर्नरिङ्ग लाइट, प्रोजेक्टर फग लाइट तथा व्रिmष्टल इफेक्ट सहितको LED DRL लाइट विशेष छन् ।

इन्टेलिजेन्ट म्यानुअल ट्रान्समिशनको साथ हुन्डाई भेन्यू आईएमटीले क्लचलेस ड्राइभिङ्ग अनुभव दिने कम्पनीको दावी छ । सो सेगमेन्टमा नयाँ आईएमटीसँग क्लच प्याडल नभएकाले राम्रो ईन्धन दक्षता र मजाको ड्राईभिङ्ग अनुभव गर्न पाईन्छ । उत्कृष्ट यात्राको अनुभव गराउन, हुन्डाई भेन्यू आईएमटी   र  हुन्डाई भेन्यू 1.2 S+ मा नवीनतम विशेषताहरु जस्तै रियोस्ट्याट सहितको एड्भान्स सुपरभिजन क्लस्टर, ड्राईभर रेर भ्यू मिरर, भेहिकल स्टेबिलिटीे म्यानेजमेन्ट तथा इलेक्ट्रोनिक स्टेबिलिटी कन्ट्रोल रहेका छन् जस्ले हुन्डाई भेन्यूू आईएमटी   र  हुन्डाई भेन्यू 1.2 S+ लाई  एउटा सुरक्षितयात्राको सहयात्री बनाएको छ ।

हुन्डाई भेन्यू आईएमटी र हुन्डाई भेन्यू 1.2 S+ थप विशेषताहरुमा वायरलेस फोन चार्जर, क्रुज कन्ट्रोल, टेलेमेटिक्स सहितको २०.३२ सेन्टिमिटरको एच डी डिस्प्ले, एअर प्युरिफायर तथा रियर ए सि भेन्ट रहेको छ । यी गाडीहरुको शुरुवाती मूल्य हुन्डाई भेन्यू 1.2 S+ रु. ४४,५६,००० र हुन्डाई भेन्यूू आईएमटी रु. ४४,९६,०००   कायम गरिएकोे छ ।

लक्ष्मी इन्टरकन्टिनेन्टल प्रा.लि.ले नेपाल भरी १३ शोेरुमहरु तथा १७ सर्भिस सेन्टरहरु मार्फत ग्राहकहरुलाई सेवा प्रदान गरिरहेको छ । हुण्डाई मोटर कम्पनी विश्वकै ५ ठूला अटोमोवाइल उत्पादक मध्येमा पर्दछ । यस कम्पनीका उत्कृष्ट उत्पादनहरुले विश्वभरि करोडांै ग्राहकहरुको मन तथा विश्वास जित्न सफल भएका बताइएको छ ।